ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
Актанышта спартакиадада җиңүчеләргә җиңел машина бүләк ителде
Белоруссиядән сөт продукциясен кертүне чикләүгә карата Марат Әхмәтов аңлатма бирде
Шиһабетдин Мәрҗанинең минбәрен карар өчен, Шыгырдан мәчетенә туристлар килә башлаган
ТР Мәдәният министрлыгы Мурманск өлкәсендә эзтабарлар экспедициясе турында фильмга чакыра
Камал театры тамашачысы “Телсез күке” спектаклен “сүтеп җыйды”

Җәмгыять

Татарстаннан, көзге чакырылышта беренче булып, 80 егет иртәгә хәрби хезмәткә китәчәк

21 октябрь 2017, 12:51 , Фото: Ильнар Тухбатов

Татарстаннан, көзге чакырылышта беренче булып, 80 егет иртәгә хәрби хезмәткә китәчәк Гомумән бу көздә республикадан хәрби хезмәткә барлыгы 3,5 мең егет алыначак.

(Казан, 21 октябрь, «Татар-информ», Арсений Маврин). 2017 елның көзге чакырылышын башлап, Татарстаннан 80 егет иртәгә хезмәт итү урыннарына җибәреләчәк. Алар өчен киләсе ел Мәскәү һәм Ленинград гарнизоннарының хәрби бүлекләрендә узачак. Гомумән бу көздә республикадан хәрби хезмәткә барлыгы 3,5 мең егет алыначак. Бу хакта «Татар-информ» агентлыгына Татарстан Хәрби комиссариатының гражданнарны хәрби хезмәткә чакыру һәм әзерлек бүлеге башлыгы, полковник Дмитрий Гурылев сөйләде.

Чакырылыш кампаниясендә бернинди тоткарлык, җыеп җиткермәү, дәгъва булмады – республика хәрби комиссариатының эше яхшы оештырылган.

«Кораллы көчләрдә техника үзгәрде, ул егетләрнең техник яктан әзерлеген таләп итә. Шуңа күрә без югары һәм урта һөнәри белемгә игътибар итәбез. Без тиешле техник белегечлек алган егетләрне эзлибез», – диде Дмитрий Гурылев.

Сүз уңаеннан, Яр Чаллыда берничә ел инде хәрби водолазларга максатчан җыю бара.

«Хәрби хезмәтнең дәрәҗәсен күтәрү буенча канун актлары бар. Дәүләт муниципаль хезмәтен узу турында билгеле бер актлар кабул ителде. Әгәр граждан, канун нигезендә сәбәбе булмыйча, хәрби хезмәтне узмаса, димәк, ул дәүләт һәм муниципаль вазифаны башкара да, көч структураларында эшли дә алмаячак. Хәзер эре компания җитәкчеләре дә, эшкә кабул иткәндә, хәрби хезмәттә булуга игътибар итә», – дип ассызыклады Гурылев.

22 октябрьдә көзге чакырылышның беренче егетләре хәрби хезмәткә китә. 23 октябрьдә тагын ике төркем кузгалачак. Шул рәвешле барлыгы 3,5 мең егет хәрби хезмәт итү урыннарына китәчәк.

Командалар ничек формалашканын һәм «Патриот» үзәгендә хәрби хезмәткә чакырылучылар нәрсә белән шөгыльләнгәнне 26 октябрьдә күрергә мөмкин булачак. Иртәнге 10.00 сәгатьтә республиканың җыелу пунктында "Ачык ишекләр көне" башланачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр