ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
Актанышта спартакиадада җиңүчеләргә җиңел машина бүләк ителде
Белоруссиядән сөт продукциясен кертүне чикләүгә карата Марат Әхмәтов аңлатма бирде
Шиһабетдин Мәрҗанинең минбәрен карар өчен, Шыгырдан мәчетенә туристлар килә башлаган
ТР Мәдәният министрлыгы Мурманск өлкәсендә эзтабарлар экспедициясе турында фильмга чакыра
Камал театры тамашачысы “Телсез күке” спектаклен “сүтеп җыйды”

Җәмгыять

Иртәгә Казанда "Сәламәтлек индустриясе. Казан" XXII халыкара күргәзмәсе ачыла

17 октябрь 2017, 18:06

Иртәгә Казанда Күргәзмә эшендә Россия Федерациясенең 15 төбәгеннән, Белоруссия һәм Германиядән 100дән артык компания катнашачак.

(Казан, 17 октябрь, “Татар-информ”, Гөлнар Гарифуллина). Иртәгә “Казан ярминкәсе” күргәзмәләр үзәгендә “Сәламәтлек индустриясе. Казан” XXII халыкара күргәзмәсе ачыла. Ел саен Татарстанның Сәламәтлек саклау министрлыгы ярдәме белән үткәрелә торган күргәзмәдә югары сыйфатлы медицина товарлары, җиһазлары һәм хезмәтләре тәкъдим ителә. Бу хакта министрлыкның матбугат хезмәте хәбәр итә.

Күргәзмә эшендә Россия Федерациясенең 15 төбәгеннән, Белоруссия белән Германиядән 100дән артык компания катнашып, медицина техникасы һәм җиһазларын, чыгым материалларын, диагностика җайланмаларын, гигиена, дезинфекция чараларын һәм башкаларны күрсәтәчәк. 11 дәвалау оешмасы бушлай консультацияләр, диагностика тәкъдим итәргә әзер.

Фәнни-гамәли конференцияләрдә катнашучылар лаборатория һәм ультратавыш тикшеренүләре, нефрология, урология, акушерлык, гинекология, эпидемиологик күзәтчелек мәсьәләләрен күтәрәчәк.

“Сәламәтлек индустриясе” XXII халыкара күргәзмәсе Татарстанда Травматизм һәм терәк-хәрәкәт аппараты авырулары елы кысаларында узуын искәртик. Бу тема “Гомуми практика табибы өчен ревматолог мәктәбе” республикакүләм фәнни-гамәли конференциясендә чагылыш табачак.

Күргәзмәнең рәсми төстә ачылышы 18 октябрьдә 12.00 сәгатьтә “Казан ярминкәсе” күргәзмәләр үзәгенең 3 нче павильоны сәхнәсендә узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр