ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Соңгы 20 елда татарларның дини кызыксынулары арткан - халыкара конференция нәтиҗәсе
"Ак Барс" хоккейчылары Мәскәүдә ЦСКА командасына оттырды
Казанда “Таян Аллага” татар әдәби конкурсы игълан ителде
Габделхак хәзрәт Саматовның “Милләтебездә Ислам” китабы бастырылды
Илсур Метшин Казандагы нык җимерелгән юлны төзәтүнең бәясен белдерде

Җәмгыять

Татарстанда кеше хокуклары буенча вәкил подъезд янында тәмәке тарту тыелуны хуплады

17 октябрь 2017, 17:26 , Фото: Рамиль Гали

Татарстанда кеше хокуклары буенча вәкил подъезд янында тәмәке тарту тыелуны хуплады Тиешле канун проекты быел җәй Дәүләт Думасына кертелгән булган.

(Казан, 17 октябрь, "Татар-информ", Валерия Белова). Татарстанда кеше хокуклары буенча вәкил Сария Сабурская федераль депутатларның подъезд яннарында тәмәке тартуны тыя торган тәкъдимен хуплады.

“Тәмәке тартучы бу гадәте белән үзенә генә түгел, якындагыларга да зыян сала. Шул ук вакыта сәламәтлекне саклау һәр кешенең конституцион хокукы булып тора. Шунлыктан, тәмәке тартуны тыя торган урыннарның артуы кеше хокукларын бозуга керми”, – дип җиткерде “Татар-информ” корреспондентына Сабурская.

Искәртеп үтик, быел июнь аенда Федерация Советы әгъзаларыннан торак йорт подъездларыннан 10 метрдан да ким булмаган арада тәмәке тартуны тыю турында Дәүләт Думасына тиешле канун проекты кертелде. Бүген иртән Россия Сәламәтлек саклау министрлыгының парламентарийлар тәкъдимен хуплавы билгеле булды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр