ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
"Татар-информ"да "Татарча диктант" турында сөйләшәчәкләр
"Ак Барс" хоккей клубы белән Данис Зарипов контракт төзү буенча килешүгә ия
"Ак Барс" клубы Данис Зариповның карьерасын Казанда дәвам итүенә өметләнә
Татарстанда бүген явым-төшем көтелми
Казан дары заводында янгын чыккан

Мәдәният

Татар актрисасы Гөлназ Биктимерова Башкортстанның иң яхшы яшь артисты дип танылган

16 октябрь 2017, 21:56 , Фото: http://teatrnur.ru

Татар актрисасы Гөлназ Биктимерова Башкортстанның иң яхшы яшь артисты дип танылган Гөлназ Биктимерова “Башмагым” музыкаль спектаклендә Сәрвәр ролен башкарган иде – ул шушы роле белән танылган.

(Казан, 16 октябрь, «Татар-информ», Рузилә Мөхәммәтова). Башкортстан театр әһелләре берлеге «Нур» Уфа дәүләт татар театры артисты Гөлназ Биктимерованы яшьләр арасында «Иң яхшы хатын-кыз роле” башкаручы артистка дип игълан иткән. Яшь артистларны Яшьләр театр премиясе белән бүләкләү тантанасы бүген Башкортстанның Актерлар йортында үткән. Бу хакта “Башинформ” хәбәр итә.

Гөлназ Биктимерова “Башмагым” музыкаль спектаклендә Сәрвәр ролен башкарган иде – ул шушы роле белән танылган. Ә шул ук спектакльдә беренче полиция агенты ролен башкарган Илшат Салаватов “Иң яхшы эпизодик роль” номинациясендә билгеләп үтелгән.

Башкортстандагы икенче татар дәүләт драма театры - Туймазы татар дәүләт театры да ике номинациядә билгеләп үтелде. Илгизәр Мөхәммәтдинов һәм Азамат Миңнегалиев «Колбаса. Фрагментлар» спектаклендәге рольләре өчен «Сезон дебюты» номинациясендә җиңгән. Айнур Гайсаров “Театрга заманча драматургия һәм яшьләр проектын кертү өчен” номинациясендә махсус премиягә лаек булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр