ҺАВА ТОРЫШЫ -4 oC

Яңалыклар

барлык хәбәрләр Татарстан Россия
МӨҺим
Р.Миңнехановка Татарстан Милли банкының яңа идарәчесе Марат Шәрифуллинны тәкъдим иттеләр
Яңа ел төнендә Казан кунакханәләре 88 процентка тулы булачак
Казанда дагъстанча Мәүлид узды
Эльмира Закирова: «Язучы булу рәхәт икән!» - "Шәһри Казан" газетасы
Telegramда иске татар телендә яңа канал булдырылды

Җәмгыять, Авыл

Татарстанга терлекләрдәге тилчә авыруын кертмәү буенча вазгыять контрольдә – Айрат Гәрәев

13 октябрь 2017, 16:29 , Фото: Рамиль Гали

Татарстанга терлекләрдәге тилчә авыруын кертмәү буенча вазгыять контрольдә – Айрат Гәрәев Ветеринария-санитария постлары 11 гә җиткерелгән.

(Казан, 12 октябрь, «Татар-информ», Гөлнар Гарифуллина). Татарстанның, Башкортстан белән чиктәш булган барлык районнарында, тилчәдән саклану өчен ветеринария-санитария постлары куелган. Аларның саны башта 10 булса, хәзер 11 гә җиткерелгән. Бу хакта бүген Татарстанның Дәүләт Советында Экология, табигатьтән файдалану, агросәнәгать һәм азык-төлек сәясәте комитеты утырышында Татарстан Министрлар Кабинетының Баш ветеринария идарәсе башлыгы урынбасары Айрат Гәрәев хәбәр итте.

Аның сүзләренә караганда, Башкортстанның Туймазы районына аеруча якын Баулы һәм Ютазы районнарына аеруча зур игътибар бирелә. «Беренче көнне Ютазы, Баулы районында 3 пост, икенче көнне Актаныш районы территориясендә 4 пост куйдык, аннары Ютазы районында өстәмә пост булдырылды, Мөслим районында да пост бар. Бүген вазгыять контрольдә. Безнең бурыч – республика территориясендә шушы очракларга юл куймау. Юллар ябылган, машиналар дезинфекцияләнә. Актанышның Агыйдел елгасы аша машиналар паром аша уза, туктатып тикшерелә һәм дезинфекцияләнә. Якын арада Ютазы белән Баулыда терлекне вакциналаштыру да планлаштырыла. Барысы да Башкортстандагы хәлләргә бәйле булачак», - диде Айрат Гәрәев.

Ул тилчә очракларының Башкортстанда башта ике торак пунктта, «Нур» агрофирмасында теркәлүен, аннары атна дәвамында тагын ике пункт өстәлгәнен әйтте.

Исегезгә төшерәбез, Башкорстанның Туймазы районында тилчә авыруы вирусы табылып, мең башка якын мал-туар юк ителде. Тилчә авыруы соңгы тапкыр Татарстанда – 1986, Башкортстанда 1977 елда теркәлгән. Ул – карантинлы үтә куркыныч, йогышлы авыру.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр