ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
Кыргызстан татарлары Мәүлидне бәйрәм иткән
Хәзерге вакытта уңышлы кеше булу өчен өч тел белергә кирәк – Микаел Тоноян
Эстониядә халыкара бәйгедә катнашкан татарстанлыларның биюен Таллин татарлары да караган
"Болгар радиосы" милли музыкаль премиясе җиңүчеләре игълан ителде - исемлек
"Яратылмый калган ярлар" спектакле белән Казанда "Һөнәр" фестивале башланып китте

Икътисад, Спорт

ФИФА 2018 елгы дөнья чемпионатына билетлар сатылу белән канәгать

13 октябрь 2017, 15:33

ФИФА 2018 елгы дөнья чемпионатына билетлар сатылу белән канәгать Җанатарлар 2018 елгы дөнья чемпионатындагы матч билетларын алуга 3,5 миллион гариза биргән.

(Казан, 13 октябрь, "Татар-информ"). Халыкара футбол федерациясе (ФИФА) 2018 елгы дөнья чемпионатына билетлар сатылуның беренче этабы белән канәгать. Әлеге ярыш Россиядә узачак.

Федерация вәкиле ассызыклаганча, билетларның уңышлы сатылуы турында алдан нәтиҗә ясарга иртәрәк, чөнки сатулар әле бара.

Федерациядә безнең илдә барган билет сатылу күрсәткечләрен 2014 елда Бразилиядә узган чемпионатка сатылган билетлар саны белән чагыштырмыйлар. Ул чакта анда, беренче этап нәтиҗәләре буенча, билетка 6,1 миллион гариза бирелгән.

"Кагыйдә буларак, без ике төрле дөнья чемпионатындагы билет сату барышын чагыштырмыйбыз, чөнки вәзгыять төрле. Россия турында әйткәндә, Конфедерацияләр кубогында билетларны соңгы мизгелдә алганнарын күрдек", — дип китерә "РИА Новости" ФИФА вәкилләре сүзләрен.

Элегрәк iz.ru порталы хәбәр иткәнчә, ФИФА мәгълүматлары буенча, җанатарлар 2018 елгы дөнья чемпионатындагы матч билетларын алуга 3,5 миллион гариза биргән. 300 меңнән артык җанатар билетларны финал турнирына алырга тели, 150 мең кешене безнең ил командасы катнашкан ачылыш уенында буласы килә. Шул ук вакытта гаризаларның 30 проценты - чит ил җанатарларыныкы.

Чемпионатка билет сатуның беренче этабы пәнҗешәмбе, 12 октябрьдә тәмамланды. Икенче период 16 ноябрьдә башлана, билетлар чират тәртибендә сатылачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр