ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Кыргызстан татарлары Мәүлидне бәйрәм иткән
Хәзерге вакытта уңышлы кеше булу өчен өч тел белергә кирәк – Микаел Тоноян
Эстониядә халыкара бәйгедә катнашкан татарстанлыларның биюен Таллин татарлары да караган
"Болгар радиосы" милли музыкаль премиясе җиңүчеләре игълан ителде - исемлек
"Яратылмый калган ярлар" спектакле белән Казанда "Һөнәр" фестивале башланып китте

Җәмгыять, Татар дөньясы

Фәрит Мөхәммәтшин телләр мәсьәләсендә: "Башка телләрне өйрәнүдән кемгә начар булган әле?"

13 октябрь 2017, 13:33

Фәрит Мөхәммәтшин телләр мәсьәләсендә: Парламент рәисе дәүләт һәм туган телләрне укыту мәсьәләсендә уртак тел табылыр дигән өметтә.

(Казан, 13 октябрь, "Татар-информ", Гөлнар Гарифуллина). "Дәүләт телләрен өйрәнүне тыя алмыйбыз", - дип белдерде Татарстанның Дәүләт Советы рәисе Фәрит Мөхәммәтшин бүген тарих, хокук һәм җәмгыять белеме укытучылары белән очрашу барышында.

"Сезнең белән очрашып, үзебезне борчыган сорауларга җаваплар эзлибез. Белем бирү системасында проблемалар кимеми. Алар әле мәгариф системасындагы бетмәс реформалар белән елдан-ел кискенләшә генә, минем карашка, аларның әле белем бирү процессына зыяны да бар", - диде парламент башлыгы.

Фәрит Мөхәммәтшин укытучыларның төп вазифалары белем бирү һәм тәрбия булуын билгеләп үтеп: "Бу ике функция аерылгысыз булырга тиеш. Без хәзер БДИ һәм башка новацияләр шартларында бу эшкә механик рәвештә карый башладык", - диде.

Фәрит Мөхәммәтшин тел мәсьәләсенә тукталып, кайбер милли мәктәпләр - чуаш, башкорт, татар мәктәпләре БДИның бары тик русча булуыннан авырлык тоюын яшермәде. "Гәрчә без күп теллелек, дәүләт телләре, туган телләре дип сөйлибез, бу безнең яшәү рәвеше, культура, моннан беркая китеп булмый. Дәүләт телләрен өйрәнүне тыя алмыйбыз! "Әти-әниең телен өйрәнмә, бар, подвалда качып кына факультативта өйрән" дип ничек әйтик. Советлар заманында өйрәндек инде шулай татар телен, онытып бетердек. Бу сораулар җәмгыятьне борчый. Хәзер безнең министр бу мәсьәләләр белән Мәскәүдә, Мәгариф министрлыгында очраша. Уртак тел табарбыз, балаларны баланслы укытуга ирешербез дип уйлыйм. Татарстанда, педагоглар ярдәме белән, рус теле белеме буенча югары нәтиҗәләр күрсәтеп, Бердәм дәүләт имтиханын бик яхшы тапшыралар. Безнең күрсәткечләр башка рус төбәкләренә караганда югарырак та әле. Татарлар, чуашлар, марилар, мордвалар да яхшы тапшыра. Бу үзең яши торган территориядәге башка телләрне өйрәнүгә, көндәшлеккә сәләтлекне арттыруга комачау итми. Моннан кемгә начар булган әле?" - диде Фәрит Мөхәммәтшин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр