ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Милли Шура рәисе ни өчен Тәбрис Яруллинның статусы арттырылуы мөһимлеген аңлатты
"Нефтехимик" хоккейчылары "Локомотив" командасын отты
"Рубин" командасының кичке ачык күнегүләре капкачы Сослан Джанаевтан башка узды
Казан 2019 елда WorldSkills дөнья чемпионатын уздыру эстафетасын кабул итеп алды
Татарстан егетләре WorldSkills чемпионатында "Мобиль робот техникасы" буенча уңышка иреште

Татар дөньясы

Радик Юльякшин: Мәктәптә укытылмаса, яшьләр туган телне ничек саклый алсын?

13 октябрь 2017, 12:58

Радик Юльякшин: Мәктәптә укытылмаса, яшьләр туган телне ничек саклый алсын? Популяр җырчы Радик Юльякшин-Элвин Грей фикеренчә, өйдә сөйләшеп кенә туган телне саклап булмый.

(Казан, 13 октябрь, "Татар-информ", Рәмис Латыйпов). Татарстанда - татар, Башкортстанда - башкорт теле мәктәптә укытылырга тиеш, өйдә сөйләшеп кенә туган телне саклап булмый. Элвин Грей псевдонимы белән чыгыш ясаучы популяр җырчы Радик Юльякшин "Татар-информ" агентлыгы хәбәрчесенә шул хакта белдерде.

"Беренчедән, әлеге заманда, күп яшьләр үз телләреннән оялалар, хәтта компания белән йөргәндә дә гел дә русча сөйләшәләр. Минем уйлавымча, телдән оялырга кирәкми", - диде ул. Җырчы җыр ярдәмендә туган телне популярлаштырырга, яшьләрнең туган телдән оялуына чик куярга була дип саный. Бу юнәлештә уңышлары да бар, диде ул. "Аллага шөкер, хәзерге вакытта бик күп әти-әниләр сәхнәгә менеп: “Радик, рәхмәт җырларың өчен, минем балам сезнең җырларны тыңлап телне өйрәнә башлады”, - диләр, аңламаган сүзләрне әти-әниләреннән сорыйлар. Әти-әниләрнең сәхнәгә менеп шулай әйткәч, күңелгә шул хәтле рәхәт була, чөнки безнең өчен яшьләрнең туган телне өйрәнүе һәм телдән оялмавы бик мөһим", - диде ул. 

Радик Юльякшин мәктәптә туган телендә укуын билгеләп үтте. "Хәзер мәктәпләрдән туган тел дәресләрен алырга, диләр. Минем уйлавымча, алай кирәкмидер. Татарстанда - татар теле, Башкортстанда башкорт теле мәктәптә укытылырга тиеш. Ул дәресләр булмаса, яшьләр ничек телне саклый? Өйдә генә сөйләшеп булмый", - диде ул. 
  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр