ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Казанда балалар коллективлары арасында Тукайга һәм Пушкинга багышланган бәйге булды
Татарстанда чәчү 1544,6 мең гектарда башкарылган
Татарстан Президенты: Чәчү кампаниясе ахырына якынлаша, борчылырлык урын юк
22 майның төп вакыйгалары - фото һәм сылтамалар
Мәскәүдә башкорт телен яклап концерт куйганнар

Җәмгыять, Мәдәният

Сергей Чобан: Татарстан Россиянең заманча архитектура башкалаларының берсенә әверелә

13 октябрь 2017, 11:58

Россиянең беренче яшьләр архитектурасы буенча биенналедагы жюри рәисе Татарстан архитектурасы үсешенә бәя бирде.

(Казан, 13 октябрь, "Татар-информ", Лилия Чанышева). Татарстан Россиянең заманча архитектура башкалаларының һәм илнең төп үзәкләренең берсенә әверелә. Бу хакта "Татар-информ" хәбәрчеләренә Россиянең беренче яшьләр архитектурасы буенча биенналедагы жюри рәисе Сергей Чобан белдерде. Биеннале -ике елга бер үткәрелә торган иҗади бәйге, ул Иннополиста уза.

"Иннополис — матур яшь шәһәр. Ишеткәнемчә, аны яшь архитекторлар ясаган, ул Россиянең заманча шәһәр төзелешенең бер үрнәге булып тора.

Биеннале илнең яшь архитекторларына багышлана. Аны Россиянең географик яктан үзәге булган урында үткәрергә кирәк иде, нәкъ менә Татарстан урнашкан тирәдә. Мин соңгы елларда Татарстанда төзекләндерүгә, төзелешкә, архитектурага күпме игътибар бирелгәнен беләм. Татарстан Россиянең заманча архитектура башкалаларының һәм илнең төп үзәкләренең берсенә әверелә", — дип билгеләп үтте ул.

Сергей Чобан — Россия һәм Германия архитекторы, SPEECH (Мәскәү, Россия) архитектур бюросы җитәкчесе һәм Tchoban Voss бюросының (Берлин, Германия) идарәче партнеры.

Россиядә беренче яшьләр архитектура биенналесы 12-14 октябрьдә Иннополиста уза. Иң яхшы архитектур проектлар бүләк алачак, ә экспозицияләр Россиянең башка шәһәрләрендә тәкъдим ителәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10