ҺАВА ТОРЫШЫ -15 oC

Яңалыклар

барлык хәбәрләр Татарстан Россия
МӨҺим
"Мирас" фестивале концертларына татар зыялылары йөрми
Рөстәм Миңнеханов иң күп искә алына торган губернатор-блогерлар исемлегенә керде
Казанда Нокса елгасы аша яңа күпер төзеләчәк
Арча башлыгы Казанбаш мәктәбендә укучылар агулану турында фикерен әйтте
Россиядә һәм чит илләрдә татарлар туган тел көне уңаеннан флешмоб башлады

Җәмгыять

ЮХИДИның яңа регламенты хезмәткәрләрне әдәпле булырга мәҗбүр итәчәк

12 октябрь 2017, 18:56

ЮХИДИның яңа регламенты хезмәткәрләрне әдәпле булырга мәҗбүр итәчәк Полиция хезмәткәренә тупаслык, кимсетүле сөйләм, гаделсез гаепләү, мыскыллау сүзләре, хокукка каршы килгән котырту гамәлләре башкару тыела.

(Казан, 12 октябрь, "Татар-информ"). ЮХИДИ хезмәткәрләренә, машина йөртүчеләр белән аралашканда, аларны теләсә нинди билгеләре буенча кимсетү, шулай ук гаделсез рәвештә гаепләү тыелачак. Әлеге административ регламент хокукый мәгълүмат интернет-порталында урнаштырылган, дип яза РИА Новости.

Дәүләт автоинспекциясе хезмәткәре җенес, яшь, раса, милләт, тел, гражданлык, социаль, милек яки гаилә хәле, сәяси яки дини карашлар буенча теләсә нинди кимсетүдән тыелырга тиеш.

Моннан тыш, полиция хезмәткәренә тупаслык, кимсетүле сөйләм, гаделсез гаепләү, мыскыллау сүзләре, хокукка каршы килгән котырту гамәлләре башкару тыела.

Административ регламент 20 октябрьдә үз көченә керәчәк.

Шулай ук юлларда документларны тикшерү нормалары үзгәрәчәк. Аерым алганда, автомобильләрне стационар постлардан тыш тикшерү тыелачак. Юл патруль хезмәте эшчәнлеге күп һәлакәтләр була торган һәм юлның хәтәр урыннарын күзәтүгә юнәләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр