ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Милли Шура рәисе ни өчен Тәбрис Яруллинның статусы арттырылуы мөһимлеген аңлатты
"Нефтехимик" хоккейчылары "Локомотив" командасын отты
"Рубин" командасының кичке ачык күнегүләре капкачы Сослан Джанаевтан башка узды
Казан 2019 елда WorldSkills дөнья чемпионатын уздыру эстафетасын кабул итеп алды
Татарстан егетләре WorldSkills чемпионатында "Мобиль робот техникасы" буенча уңышка иреште

Җәмгыять

О.Степущенко: Сим-карта булмаса яки акчасы бетсә дә, 112 номерына шалтыратырга мөмкин

12 октябрь 2017, 14:01 , Фото: Султан Исхаков

О.Степущенко: Сим-карта булмаса яки акчасы бетсә дә, 112 номерына шалтыратырга мөмкин 112-системасы операторыннан җавап көтү вакыты 2014 елда 20 секунд булса, 2016 елда 6-7 секундка кадәр кимегән.

(Казан, 12 октябрь, "Татар-информ", Гөлнар Гарифуллина). Бүгенге көндә 112-системасында 16-17 оператордан торган дежур смена тәүлек дәвамында уртача 5500ләп шалтырату кабул итә. Татарстанда әлеге система 2009 елдан гамәлдә. Шул вакыттан алып, 2016 елга кадәр 112 номеры буенча 8,9 миллионнан артык шалтырату кабул ителгән, алар нигезендә ашыгыч оператив хезмәтләргә һәлакәтләр турында 3,3 миллионнан артык хәбәр юлланган. Бу хакта бүген "Татар-информ" агентлыгы уздырган матбугат конференциясендә Татарстан буенча Гражданнар оборонасы һәм гадәттән тыш хәлләр министры урынбасары Олег Степущенко сөйләде.

Пресс-конференция о едином номере вызова экстренных служб-112

Спикер хәзерге вакытта 01, 02, 03 һәм 04 номерларына шалтырата алуның бик икеле булуын, заманча цифрлы АТСларның өч урынлы санга юнәлеш тотуын билгеләп узды. Шуңа күрә, 112 номерына шалтырату иң җайлысы булып чыга. Шалтыратулар Казан һәм Чаллы үзәкләрендә эшкәртелә.

Пресс-конференция о едином номере вызова экстренных служб-112

Система теләсә-нинди гадәттән тыш хәл буенча хәбәрне кабул итә, аннары мөрәҗәгатьнең эчтәлегенә карап, төрле хезмәтләр белән тоташтыра. Стационар һәм кәрәзле телефоннардан “112” хезмәтенә тәүлекнең теләсә кайсы вакытында шалтыратырга була. Олег Степущенко әйтүенчә, сим-картада акча беткән булса да, яки сим-карта бөтенләй булмаса да, сигнал начар тоткан урыннарда да 112 номерына чыгарга мөмкин. 112 хезмәтенең тагын бер өстенлеге шунда: оператив хезмәтләр ашыгыч булмаган, гадәттән тыш хәлләргә кагылышы булмаган шалтыратулардан азат. 112 номерына шалтыратмаган очракта да, Олег Степущенко кешенең 101, 102, 103, 104 номерларына шалтырата алуын әйтте.

Пресс-конференция о едином номере вызова экстренных служб-112

Министр урынбасары сүзләренчә, 112 системасы операторыннан җавап көтү вакыты 2014 елда 20 секунд булса, 2016 елда 6-7 секундка кадәр кимегән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр