ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Кыргызстан татарлары Мәүлидне бәйрәм иткән
Хәзерге вакытта уңышлы кеше булу өчен өч тел белергә кирәк – Микаел Тоноян
Эстониядә халыкара бәйгедә катнашкан татарстанлыларның биюен Таллин татарлары да караган
"Болгар радиосы" милли музыкаль премиясе җиңүчеләре игълан ителде - исемлек
"Яратылмый калган ярлар" спектакле белән Казанда "Һөнәр" фестивале башланып китте

Мәдәният

Азнакайда Татарстан Язучылар берлеге рәисе, драматург Данил Салихов белән очрашу узды

12 октябрь 2017, 23:00

Азнакайда Татарстан Язучылар берлеге рәисе, драматург Данил Салихов белән очрашу узды Туган телне укыту буенча сүзләр куерган чорда бу очрашу аеруча әһәмиятле булды.

(Азнакай, 12 октябрь, “Татар-информ”, “Маяк”, Резеда Шәрипова). Азнакай Үзәк китапханәсендә Татарстан Язучылар берлеге рәисе, драматург Данил Салихов белән очрашу аның елъязмасына тагын бер якты истәлек булып өстәлде, дип яза җирле басма.

Туган телне укыту буенча сүзләр куерган чорда бу очрашу аеруча әһәмиятле булды. Моны Данил Салихов үзе дә билгеләп үтте.

– Язучылар алдында торган иң зур бурыч – милләтебезне, телебезне саклап калу. Авылларыбыз таркалып бара. Шәһәргә киткән һәр кеше рус мохитенә килеп керә, татарлыкны, телне югалтмау авырлаша. Ат аунаган җирдә төк кала диләр. Мондый кичәләр үз нәтиҗәсен бирә. Бик урынлы чакырдыгыз, – диде ул.
Муниципаль район башлыгы Марсель Шәйдуллинның Азнакайда Әдәбият көннәре үткәрергә дигән тәкъдимен дә бик хуплап кабул иткән Татарстан Язучылар берлеге рәисе.
Район башкарма комитеты җитәкчесенең социаль мәсьләләр буенча урынбасары Дамир Гыйләҗев язучылар аеруча авылларга, телебезнең учагын сүндерми саклаучы халык арасына чыксыннар иде дигән теләген җиткерде.

– Туган телгә мәхәббәтне кечкенәдән тәрбияләргә кирәк. Без балаларны гына түгел, аларның әниләрен, әбиләрен татарча сөйләшергә өйрәтергә тиеш. Ни кызганыч, татар әбиләре оныклары белән русча аралашалар, – диде Данил Салихов.

Язучыларның телне саклау вазифасына килгәндә, бары мавыктыргыч, зәвыклы әсәрләр белән генә укучыны китапка, матур әдәбият аша туган телне өйрәнүгә җәлеп итеп булуын әйтте.

Кичәне Буралы авылы китапханәчесе Вәсимә Фәхриева әңгәмә рәвешендә, һәвәскәрләребез башкаруында җырлар, спектакльләрдән өзекләр белән үреп алып барды. Тамашачылар драматургның иҗат һәм тормыш юлы белән генә танышып калмадылар, татар әдәбияты турында аның фикерләрен дә ишеттеләр.
Кичен бу көнне Мәдәният йортында Касыйм Еникеев исемендәге Азнакай халык театры Данил Салиховның «Коткарыгыз, караул!» исемле спектаклен тәкъдим итте. Ул зур аншлаг белән үтте, диелә район газетасында.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр