ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Милли Шура рәисе ни өчен Тәбрис Яруллинның статусы арттырылуы мөһимлеген аңлатты
"Нефтехимик" хоккейчылары "Локомотив" командасын отты
"Рубин" командасының кичке ачык күнегүләре капкачы Сослан Джанаевтан башка узды
Казан 2019 елда WorldSkills дөнья чемпионатын уздыру эстафетасын кабул итеп алды
Татарстан егетләре WorldSkills чемпионатында "Мобиль робот техникасы" буенча уңышка иреште

Җәмгыять

Казанда беренче тапкыр "Salaam bazaar" хәләл продукция маркеты узачак

12 октябрь 2017, 12:43

Казанда беренче тапкыр Биредә хәләл азык-төлек, дизайнер киемнәре һәм эшләнмәләре, бизәнү әйберләре, балалар кирәк-яраклары тәкъдим ителәчәк.

(Казан, 12 октябрь, «Татар-информ», Гүзәл Насыйбуллина). 21-22 октябрь көннәрендә Казанда беренче тапкыр “Salaam bazaar” хәләл продукция маркеты уздырылачак. Үткәрү урыны итеп “Смена” заманча мәдәният үзәге сайланган. Әлеге чараны уздыру идеясе ничек барлыкка килүе, аның максатлары турында “Татар-информ” хәбәрчесенә оештыручыларның берсе Асель Бекеева сөйләде.

“Максатыбыз – хәләл яшәү образы алып баруның авыр булмавына төшендерү. Мөселман хатын-кызлары да матур һәм модалы итеп киенә, заманча тенденденцияләр дулкынында була алуын күрсәтергә телибез. Шулай ук ниятебез һәркемгә үз-үзен танып белергә булышу, яңа дуслар табарга ярдәм итү, аралашу мәйданы булдыру”, – ди Асель Бекеева.

Мондый чараны оештыру идеясе исә Мәскәүдәге “Wandi bazar”ны барып күргәч туган.

“Ул шулай ук мөселман дизайнерлары мәйданы булып тора. Безгә бу чараның ничек узуы, андагы мохит бик тә ошады. Татарстанда, Казанда, шундый маркетка охшаш мәйдан булдыру теләге туды. Бездә яшәүче халыкның яртысы диярлек татарлар, мөселманнар бит. Шуңа мондый мәйдан булдыру бик актуаль, күпмедер дәрәҗәдә кирәк дип тә саныйбыз”, – дип сөйләде Асель Бекеева.

Чараның исеме турында исә, ул болай ди: “Сәлам – ул тынычлык теләү. Без бар кеше өчен ачык һәм хәләлне яшәү образы буларак күрсәтергә телибез”.

Оештыручылар сүзләренчә,” Salaam bazaar”да барысы да бик заманча булачак, шул ук вакытта хәләл продукция генә тәкъдим ителәчәк. Биредә азык-төлек тә, дизайнер киемнәре һәм эшләнмәләре дә, бизәнү әйберләре дә, балалар кирәк-яраклары да урын алачак. Барлыгы 40ка якын катнашучы үз продукциясен тәкъдим итәр дип көтелә. Казандагы хәләл индустрия вәкилләреннән тыш, Чистайдан, Мәскәүдән катнашучылар булачак.

Дизайнерларны берләштерү һәм аларга ярдәм итү мәйданы булудан тыш, “Salaam bazaar” кызыклы мәгълүмат җиткерү максатын да куя. Хәләл продукция сатудан тыш, бу мәйданда чыгыш ясарга Санкт-Петербургтан блогерлар чакырылган. Шулай ук мөселманнарны борчыган мәсьәләләр буенча психологлар да аңлатма бирәчәк.

“Алга таба, Иншалла, барысы да яхшы узса, әлеге чараны тагын да зуррак масштабта уздырырга, тагын да күбрәк шәһәрләрне җәлеп итәргә ниятлибез”, – ди оештыручылар.

Ике көн эчендә "Salaam bazaar" маркетында 2000гә якын кеше булыр дип көтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр