ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Кыргызстан татарлары Мәүлидне бәйрәм иткән
Хәзерге вакытта уңышлы кеше булу өчен өч тел белергә кирәк – Микаел Тоноян
Эстониядә халыкара бәйгедә катнашкан татарстанлыларның биюен Таллин татарлары да караган
"Болгар радиосы" милли музыкаль премиясе җиңүчеләре игълан ителде - исемлек
"Яратылмый калган ярлар" спектакле белән Казанда "Һөнәр" фестивале башланып китте

Дин

Татарстан районнарында Коръән укучылар бәйгеләре башланып китте

12 октябрь 2017, 09:44

Татарстан районнарында Коръән укучылар бәйгеләре башланып китте Республика бәйгесендә җиңүчегә хаҗга юллама биреләчәк.

(Казан, 12 октябрь, "Татар-информ", Алия Җамалиева). Татарстан мөхтәсибәтләрендә традицион Коръән укучылар бәйгеләре башланып китте. Бәйге финалы ел ахырына кадәр республика бәйгесендә ясалачак.

“Татар-информ” агентлыгы корреспондентына Татарстан Диния нәзарәте матбугат үзәгендә республика бәйгесендә җиңүченең хаҗга юллама белән бүләкләнәчәген җиткерделәр.

Шулай итеп, 29 октябрьдә Чистайның “Иман” мәчетендә шәһәрнең биш һәм районның 20 мәчетеннән балалар Коръән уку бәйгесендә катнаша. Чистайда бәйге 2008 елдан бирле алып барыла. Тугыз ел эчендә биредә 60 конкурсант дини бәйгедә осталыкларын күрсәткән.

Бәйгедә катнашучылар өч үзенчәлек буенча имтихан тота: Коръәннең аерым бер сүрәләрен яттан белү, мәкам белән уку, изге китап укыганда кагыйдәләрне саклау. Бәйгедә катнашу өчен 3тән 15 яшькәчә балалар чакырыла.

Ноябрь аенда Чистайда көньяк казыятнең районара бәйгесе оештырыла. Анда Чистай, Алексеевск, Спас, Әлки, Нурлат, Аксубай мөхтәсибәтләрендә җиңү яулап килгән балалар катнаша. Җиңүчеләр барысы да кыйммәтле бүләкләр алачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр