ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Руслан Айсин: Мөселманнарны яклаучы телеканал, газета һәм мәгълүмат ресурслары кирәк
Мөмкинлек булып та, исәпне тигезли алмадык – Зиннәтулла Билалетдинов
Иртәгә Татарстан районнарында томан төшүе көтелә
Татарның танылган җырчысы Гали Ильясовка истәлек тактасы ачылачак
Барнаул татарлары милли ризык пешерү ярышын уздырган

Спорт

"Ак Барс" хоккейчылары Мәскәүдә "Динамо" командасына оттырды

11 октябрь 2017, 22:20

Җиңүче буллит сериясендә ачыкланды.

(Казан, 11 октябрь, “Татар-информ”, Фәрит Салихов). Казанның “Ак Барс” хоккейчылары Континенталь хоккей лигасы даими чемпионатында Мәскәүдә “Динамо” командасына оттырды.

Җиңүчене ачыклау өчен төп вакыт кына түгел, өстәмә билгеләнгән 5 минут та җитмәде. Матч язмышы буллит сериясендә хәл ителде – 2:3.

Матчның төп вакыты 2:2 исәбенә төгәлләнде. Шунысы игътибарга лаек: Эмиль Гарипов саклаган капкага ике алканы да “Ак Барс”ның элеккеге уенчысы, соңгы дүрт сезонда Казанда чыгыш ясаган һөҗүмче Михаил Варнаков кертте, ә казанлылар күплектә уйнаганда ике тапкыр җавап кайтара алды. Голның авторлары – сакчылар Василий Токранов белән Андрей Марков.

Буллит сериясендә җиңү китергән алканы кабат Михаил Варнаков кертте.

КХЛ. Даими чемпионат. “Динамо” (Мәскәү) – “Ак Барс” (Казан). 3:2 (1:0, 1:2, 0:0, 0:0, буллитлар – 2:1). Голлар: Варнаков (Хиетанен, Салминен, 19.37, күплектә), Токранов (Ткачев, 22.18, күплектә), Варнаков (Рылов, Кутейкин, 28.29), Марков (Секач, Яруллин, 36.52, күплектә), Варнаков (65.00, җиңү китергән буллит).

13 октябрьдә “Ак Барс” Ярославльдә “Локомотив” командасы белән очраша.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр