ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Фән һәм мәгариф

Россия студентлары Казанга беренче медицина ярдәме күрсәтү буенча олимпиадага җыелачак

11 октябрь 2017, 19:01

Россия студентлары Казанга беренче медицина ярдәме күрсәтү буенча олимпиадага җыелачак Ярышлар 12-13 октябрьдә үтәчәк.

(Казан, 11 октябрь, «Татар-информ»). Казанда беренче тапкыр Казан (Идел буе) федераль университетының Фундаметналь медицина һәм биология институты мәйданчыгында Россиянең медицина һәм башка юнәлешле югары уку йортлары студентлар командасы арасында беренче медицина ярдәме күрсәтү буенча олимпиада узачак. Бу хакта Казан университеты сайтында хәбәр ителә.

Ярышлар 12-13 октябрьдә «Заманча этапта ашыгыч медицина ярдәме күрсәтү. Казанышлар һәм перспективалар» дип аталган бөтенроссия конференция кысаларында үтәчәк.

Чарада Мәскәү, Санкт-Петербург, Бөек Новгород, Волгоград, Ульяновск, Ижау, Ярославль, Якутск, Екатеринбург, Дагыстан, Рязань, Түбән Новгород, Казанның медицина югары уку йортларыннан, һәм шулай ук Самара, Саранск, Ульяновск, Ижау, Киров һәм Казанның башка юнәлешле университетларыннан командалар катнашачак .

Шунысын әйтергә кирәк, булачак табиб студентлар һәм башка юнәлештә белем алучы студентлар аерым ярышачак, алар өчен практик өлештә дә төрле биремнәр әзерләнгән.

Олимпиада өч этапта узачак: команданың визит карточкасы, теория өлеше (тест) һәм практик өлеш.

Соңгы өлештә булачак табиб студентларга хастаханәдән тыш бала табуда акушерлык өлкәсе, яңа туган баланы реанимацияләү, йөрәк-үпкә реанимациясе, юл транспорт һәлакәтендә беренче ярдәм буенча белемнәрен күрсәтергә туры киләчәк.

Башка юнәлештә белем алучы студентларны медицина бавы ярдәмендә канны вакытлыча туктату, балтыр җәрәхәтләнгәндә чукларны селкетмәслек итеп шина белән бәйләп кую кебек биремнәр көтәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр