ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
Резеда Хәева: Спиртлы эчемлекләр куллану кешедә 60 төрле авыру китереп чыгарырга мөмкин
Хәлил Шәйхетдинов: Татарстан җыелма командасының бурычы - мактау пьедесталына эләгү
Телне куллану иреклелеген өйрәнү иреклелеге белән алмаштырырга җыеналар кебек - депутат
Зөһрə Шəрифуллина: Татар шəхеслəренең исемнəрен агач утыртып кына да мəңгелəштереп була
Татарстанның Яшел Үзән районында тепловозга ут капкан

Җәмгыять, Татар дөньясы

Васил Шәйхразиев төрки яшьләр форумында: Яшьләр кая килгәннәрен белеп килгән

7 октябрь 2017, 17:33 , Фото: Михаил Захаров

Васил Шәйхразиев төрки яшьләр форумында: Яшьләр кая килгәннәрен белеп килгән Бөтендөнья татар конгрессының Милли шура рәисе шушындый форумнар аша тарихны, телне сакларга теләвебез чагылыш табуын билгеләп узды.

(Казан, 7 октябрь, “Татар-информ”, Гөлнар Гарифуллина). Татарстан Республикасының Премьер-министры урынбасары, Бөтендөнья татар конгрессының Милли Шурасы рәисе Васил Шәйхразиев “Төркиләр алтыны” II Бөтенроссия яшьләр форумы делегатларының әзерлекле килүен билгеләп узды. Бу хакта ул бүген “Татар-информ” агентлыгы хәбәрчесенә “Идел” яшьләр лагеренда яшьләр белән узган очрашудан соң әйтте.

“Без төрле форумнар оештырабыз, күбесе яшьләр аша уза. Яшьләр һәрвакытта да инициативалы. Без күбесенчә оештыру комитетларында төрле мәсьәләләр күтәрәбез. Яшьләр белән бергә эшләп, яңа проектлар төземәкче булабыз. Иң мөһиме – оештыру комитеты эше вакытында булган сорауларны һәм юнәлешләрне дөрес аңлап, яшьләргә җиткерергә. Безнең уңыш шул вакытта һәрвакытта да булачак. Бу юлы да безнең планнар дөрес булган. Чынлап та, яшьләр кая килгәннәрен белеп килгән. Сорауларга ничек җавап бирәсен дә белә, шуңа күрә бүген алар белән эшләве җиңелрәк. Минем өчен аларның сүзен ишетү мөһим. Фикерләре ниндирәк – шушы 3-4 көн эчендә алар арамы, әллә, аларга кызыкмы, нинди сораулар бирәләр. Шуңа күрә алдагы форумнарга да аңлап бару кирәк. Бер караганда, шаблоннар – ул әйбәт, ләкин безнең тормыш тиз үзгәрә, шуңа күрә бу шаблоннарны да тиз генә үзгәртә белергә тиешбез”, – дип белдерде Васил Шәйхразиев.

Төрки халыкларның телләрен саклап калу проблемасына үз фикерен белдереп, вице-премьер: “Бу сорауларга күбесе җавап эзли. Ул татар теле дә, чуаш, мари һәм башка телләр дә... Ләкин бу форум безнең тарихны, телне саклап калырга, аның белән бергә яшәргә теләвебезне чагылдыра. Авыз тутырып мактанырлык сүз юк, ләкин шушы форумнар аша без киләчәккә өмет баглап, халыкка һәм дәүләт җитәкчеләренә җиткерәбез”, – диде.

Васил Шәйхразиев гомуми төрки тел булдыруга карата фикере белән дә уртаклашты. “Бер караганда матур фикер, ләкин аны тормышка ашырыр өчен күп кенә эшләр башкарырга кирәк. Дәүләт, халык тарафыннан бердәмлек кирәк. Күп кенә әйберләрне сөйләргә була, ләкин мәгънәсе, киләчәге юк. Без глобаль дөньяда торабыз, интенсив рәвештә алга барабыз. Әгәр булдырып чыксак әйбәт булыр иде, ләкин бик авыр булачак”, – диде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10