ҺАВА ТОРЫШЫ -14 oC

Яңалыклар

барлык хәбәрләр Татарстан Россия
МӨҺим
#атнабай флешмобына Динар Хөснетдинов кушылды
2018 елда бердәм дәүләт имтиханын тапшыруда яңалык кертелә
Әтнә районының ике авыл бозында җиде мәгариф оешмасы хоккейчылары көч сынашты
Алексеевск районының элеккеге башлыгы Козонковның яңа эш урыны билгеле булды
Мурманск өлкәсендә пассажирлар утырган вертолет агачка килеп бәрелгән

Мәдәният

Мәскәүдә Михаил Калашниковка сигез метрлы һәйкәл ачканнар

19 сентябрь 2017, 13:39 , Фото: Валерий Шәрифулин / ТАСС

Мәскәүдә Михаил Калашниковка сигез метрлы һәйкәл ачканнар Конструктор сыны Садовая-Каретная һәм Долгоруковская урамнары чатындагы скверда урнаштырылган.

(Казан, 19 сентябрь, “Татар-информ”). Россия мәдәният министры Владимир Мединский ату коралы буенча күренекле конструктор Михаил Калашниковка һәйкәл ачты. Тантаналы чара Садовая-Каретная һәм Долгоруковская урамнары чатындагы скверда узды, дип хәбәр итә ТАСС.

Мединский: “Михаил Калашников – рус кешесенә хас иң яхшы сыйфатларны бергә туплаган шәхес. Аның табигый сәләте, гадилеге, намуслы булуы һәм оештыру таланты Ватанны саклауда тулы бер кораллар линиясен тудыру мөмкинлеген биргән”, - дип билгеләп үткән.

АК-47 автоматы тоткан сигез метрлы һәйкәл Мәскәү шәһәре думасы һәм "Ростех” корпорациясе ярдәмендә Россия хәрби-тарихи җәмгыяте тарафыннан куелган.

Скульптор композициясе архитектура-сәнгать проектын Россия рәссамы Салават Щербаков әзерләгән. Ансамбльгә шулай ук Җир шары һәм изге Георгий Җиңүче образлары керә.

Сүз уңаеннан, музыкант, җырчы, композитор, “Машина времени” рок-төркеме лидеры Андрей Макаревич ату коралы буенча күренекле конструктор Михаил Калашниковка куелган һәйкәлгә карата тискәре караш белдергән. Бу хакта “Газета.Ru” хәбәр итә.

“Ярый, яхшы. Калашниковка һәйкәл. Безгә горурлану өчен булсын. Ярар. Калашниковка булсын. Тик ни өчен шундый уңышсыз, ямьсез скульптура?” – дип язган Макаревич үзенең Facebookтагы битендә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр