ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
"Динамо-Казан" волейболчылары Россия Суперкубогын яулый алмады
Татар актрисасы Гөлназ Биктимерова Башкортстанның иң яхшы яшь артисты дип танылган
Төркия Хөкүмәте гадәттән тыш хәл режимы вакытын озынайта
Лидия Əхмәтова юбилей концерты уздыра
Фәрит Мөхәммәтшин Санкт-Петербургта Татарстан Республикасы Даими вәкиллегендә булды

Җәмгыять

Кукмарада яңа ЗАГС бинасы салыначак

19 сентябрь 2017, 09:00

Кукмарада яңа ЗАГС бинасы салыначак Төзелеш эшләрен яз айларында төгәлләргә ниятлиләр.

(Кукмара, 19 сентябрь, "Татар-информ", "Хезмәт даны", Алсу Сәләхетдинова). Кукмарада сөенечле зур вакыйга булды: яңа төзеләчәк ЗАГС бинасының беренче нигез ташы салынды, дип хәбәр итә kukmor-rt.ru сайты.

Кукмаралыларның шатлыгын район башлыгы Сергей Димитриев, Татарстан Республикасы Министрлар Кабинетының ЗАГС идарәсе начальнигы Альбина Шәвәлиевалар уртаклашты. Шулай ук тантанага быел үзләренең алтын туйларын билгеләп үткән Сәйдә һәм Рәфкать Закировлар, шушы көннәрдә генә тормыш корган Зөлфирә һәм Алмаз Каюмовлар да чакырылган иде.

-Республика программаларының барысында диярлек уңышлы гына катнашып киләбез. Парк-скверлар, яңа йортлар, социаль объектлар төзелә, юллар тәртипкә китерелә. ЗАГС бинасы да Кукмарага бик кирәк иде. Әлеге бина "Бердәм Россия" сәяси партиясе программасы нигезендә сафка басачак. Без аны яз айларына файдалануга да тапшырырга ниятлибез, - диде район башлыгы Сергей Димитриев.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр