ҺАВА ТОРЫШЫ +2 oC

Яңалыклар

барлык хәбәрләр Татарстан Россия
МӨҺим
24 сентябрьнең төп вакыйгалары - фото һәм сылтамалар
Татарстан – 2017 елның Бөтенроссия "Тыюлык дәресләре" лидеры
Гадәттән тыш хәлләр министрлыгы хезмәткәрләре Әлмәт тирәсендә адашкан өч гөмбәчене тапкан
Сочида Россия укытучылары аллеясы барлыкка килде
“Кем алга карамый, шул артта кала!” – “Россия ел укытучысы” конкурсанты Алмаз Хәмидуллин

Спорт

Тукай районы Бәтке авылында спорт мәйданчыгы ачылды

14 сентябрь 2017, 07:00

Тукай районы Бәтке авылында спорт мәйданчыгы ачылды Проектның бәясе - 8,5 млн сум.

(Тукай районы, 14 сентябрь, "Татар-информ", "Якты юл"). Тукай районы Бәтке авылындагы спорт мәйданчыгы республика программасы кысаларында эшләнде. Проектның бәясе - 8,5 млн сум, дип яза җирле басма.

Мәктәп янында, элеккеге хоккей корты территориясендә урнашкан әлеге мәйданчык хәтта шәһәрдә яшәүчеләр көнләшерлек, бик матур һәм уңайлы килеп чыккан. Биредә уен кыры гына да 1800 квадрат метрны тәшкил итә. Монда футбол гына түгел, волейбол, баскетбол, туплы хоккей (гандбол) уйнарга мөмкинлек булачак, кыш көне мәйданчык хоккей корты буларак файдаланылачак.

– Дөресен әйткәндә, мин сездән ак көнләшү белән көнләшәм, – диде җирлек башлыгы Максим Ионычев үз чыгышында балаларга мөрәҗәгать итеп. – Без үскәндә туп тибәргә чирәм җир булса да шатлана идек. Әле анысы да туфракка әйләнә торган иде. Ә сезгә нинди уңайлыклар тудырыла – шөгыльләнегез генә! – диде ул. Бәткелеләрне әлеге вакыйга белән котларга район башлыгы Васил Хаҗиев та килгән иде. Ул мәйданчыкның беркайчан да буш тормавын, файдага эшләвен теләде.

Тәбрикләүләрдән соң спорт мәйданчыгына район дәрәҗәсендә күпләгән җиңүләр яулаган каратэчылар командасы үз һөнәрләрен күрсәтте. «Күн туп» республика ярышларында призер булган минифутболчылар үз уеннарын тәкъдим итте. Балалар-яшүсмерләр спорт мәктәбендә шөгыльләнүче футболчылар да үз осталыкларын күрсәтте.

Бәйрәм чарасына күрше авыллар мәктәпләреннән дә балалар һәм аларның укытучылары килгән иде. Чөнки бу спорт комлексында футбол, хоккей кебек авылара матчлар еш үтәчәк әле. Спорт һәм физик культураны үстерүдә иң яхшылар дип табылган Кнәз, Биклән, Яңа мәктәпләре бәйрәмдә бүләк сертификатларга ия булды. Аннары дусларча очрашуның беренчесе игълан ителде – футбол кырына Мәләкәс һәм Круглое Поле уенчылары чыкты, диелгән район хәбәрендә.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр