ҺАВА ТОРЫШЫ -10 oC

Яңалыклар

барлык хәбәрләр Татарстан Россия
МӨҺим
Станислав Галиевның туган көнендә керткән голы "Ак Барс"ка җиңү китерде
Фото: Балтач районында домино ярышлары бара
Уфада “Курай даны” телевизион премиясен булдырдылар
Казанның “Динамо” волейболчылары “Уралочка” командасын тар-мар итте
17 гыйнварның төп вакыйгалары – фото һәм сылтамалар

Спорт

"Нефтехимик" хоккейчылары "Торпедо" командасына оттырды

13 сентябрь 2017, 07:40 , Фото: hcneftekhimik.ru

Овертайм – ялгышуга кадәрге уен, дип белдерде баш тренер.

(Казан, 13 сентябрь, "Татар-информ"). Түбән Каманың "Нефтехимик" хоккейчылары Континенталь хоккей лигасы даими чемпионатында Түбән Новгородның "Торпедо" командасына оттырды. Төп вакыты 2:2 исәбенә төгәлләнгән матчның җиңүчесе өстәмә билгеләнгән вакытта ачыкланды.

Боз хуҗалары – "Нефтехимик" хоккейчылары исәпне беренче булып ачты. Алай гына да түгел, Түбән Кама командасының өстенлеге икенче период азагына кадәр диярлек ике алка аермасына да җиткән иде. Әмма "Торпедо" сакчысы Денис Баранцев керткән ике алка уенны овертаймга күчерде. Анысында кунаклар уңышка иреште.

"Матч кызыклы булды. Овертайм – ялгышуга кадәрге уен", – дип белдерде "Нефтехимик"ның баш тренеры Андрей Назаров.
 
КХЛ. Даими чемпионат. «Нефтехимик» (Түбән Кама) – «Торпедо» (Түбән Новгород) – 2:3 ОТ (1:0, 1:2, 0:0, 0:1).
 
1:0  Шәрипҗанов (Жердев, Нестрашил, 10:41)
2:0  Галимов (Куликов, 25:48)
2:1  Баранцев (Даугавиньш, Еглич, 35:39, күплектә)
2:2  Баранцев (Дугин, Еглич, 38:40, күплектә)
2:3  Дугин (Кундратек, 63:38).

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр