ҺАВА ТОРЫШЫ +1 oC

Яңалыклар

барлык хәбәрләр Татарстан Россия
МӨҺим
Васил Шәйхразиев җитәкчелегендә Татарстан делегациясе - Нижневартовск шәһәрендә
Казан һәм Әлмәт командалары “Республика” КВН лигасы финалына узды
Халыкара яшьләр фестивале Уфада уздырыла
23 ноябрьнең төп вакыйгалары - фото һәм сылтамалар
Рамил Хисамов: Тоткыннарның балалары ата-аналарының хатасы өчен җавап бирергә тиеш түгел

Татар матбугаты

“Бәрмәнчек” ансамбле Болгариядә Россия данын яклады – “Туганайлар”

31 август 2017, 16:14 , Фото: tuganaylar.ru

“Бәрмәнчек” ансамбле Болгариядә Россия данын яклады – “Туганайлар” "Бәрмәнчек" дәүләт керәшен фольклор ансамбле күптән түгел Болгариянең Бургас шәһәрендә узган кырык бишенче Халыкара фольклор фестиваленнән кайтты.

(Казан, 31 август, “Татар-информ”, “Туганайлар”). Бургас шәһәренә 21-25 август көннәрендә дөньяның 12 иленнән (Грузия, Сербия, Словакия, Россия, Болгария, Польша, Германия, Судан, Румыния, Индия, Греция, Вьетнам) килгән колоритлы фольклор коллективларның чыгышын күрергә меңнәрчә болгарияле һәм аның кунаклары җыелган.

Фольклор фестивальдә милли традицияләрне саклауга зур игътибар бирелә. Шуның белән ул халык күңелен яулый. Анда үз халкының мәдәни мирасын яхшы яктан күрсәтергә тырышкан хореограф, вокал, инструменталь коллективлар да чыгыш ясый.

Фестиваль, гадәттәгечә, һәрбер илнең үз халык җырулары һәм биюләре ритмында катнашучылар парадыннан башланып киткән. Шулай итеп, тамашачылар монда салмак славян көйләрен дә, Һиндстан халыкларының экзотик җырулары һәм биюләрен дә, сербларның дәртле ритмнарын һәм башка халыкларның милли мәдәниятен дә тамаша кылганнар.

Төп вакыйгалар диңгез ярларыннан җиде чакрымга сузылган Диңгез паркында урнашкан Җәйге театр сәхнәсендә узган. Театр залы үзенә 2500 тамашачыны сыйдырган.

Фестивальдә Россия данын “Бәрмәнчек” дәүләт ансамбле яклаган. Дөнья буенча җыелган 11 ил белән берлектә, “Бәрмәнчек” ансамбле халкыбызның бай милли мәдәниятен күрсәтеп, күпләрдә соклану хисләре уяткан.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр