ҺАВА ТОРЫШЫ -10 oC

Яңалыклар

барлык хәбәрләр Татарстан Россия
МӨҺим
"Бәхетле балачак" балалар иҗаты интернет-бәйгесе башланды
Әлмәттә ике җиңел машина һәм “ГАЗель” йөк машинасы бәрелешкән
"Бигеш" аэропортыннан Санкт-Петербургка 499 сумга барып була
Әлмәт театры Казан гастрольләрен реалити-шоулы спектакль белән япты
Тимур Нагуманов икътисади җинаятьләрдә гаепләнүче эшмәкәрләрне сак астында тотуга каршы

Мәдәният

Буа шәһәрендә "Буа Талиясе" театр лабораториясе беренче эскизын тәкъдим итте

22 август 2017, 16:15

Буа шәһәрендә Лаборатория эшчәнлеге нәтиҗәләрен күрергә Казаннан бер төркем театр белгечләре, журналистлар килгән иде.

(Буа, 22 август, "Татар-информ", Рузилә Мөхәммәтова). Бүген, 22 августта, Буа шәһәрендә "Буа Талиясе" театр лабораториясенә нәтиҗә ясала. Лаборатория кысаларында чакырылган режиссерлар тарафыннан өч спектакльгә эскизлар әзерләнгән иде.
Эскизларның беренчесе - Г.Камалның "Беренче театр", "Бүләк өчен" пьесалары буенча куелган һәм ул Буа театрының 100 елыгына багышланган иде. Режиссер - Елена Кудряшова.

Эскизлар кысаларында тамашачыга Буа театры тарихыннан мәгълүмат биреп барылды. Эскизлар татар телендә әзерләнеп, аңлатмалары рус телендә иде. Режиссер тамаша барышында күләгә театры алымнарын да, вербатим алымын да кулланган.

Лаборатория эшчәнлеге нәтиҗәләрен күрергә Казаннан бер төркем театр белгечләре, журналистлар килгән иде. Лаборатория спектакльләрен "Татар-информ" хәбәрчеләре дә тамаша кыла.

Оештыручылар - театр белгечләре Александр Вислов һәм Нияз Игъламов - лабораториянең федераль акчаларга - "Бердәм Россия"нең "Кече шәһәр театрлары" проекты кысаларында үткәрелүен билгеләп үттеләр. Александр Вислов татар әсәрен рус режиссеры куюына игътибарны юнәлтте.

Нияз Игъламов әлеге эскиз нигезендә балалар өчен тәкъдим ителә торган "Такта янында" проекты өчен спектакль әзерләнү мөмкинлеген җиткерде.

Спектакль эскизыннан соң актив фикер алышулар булды.

 

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр