ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Совет чорында дини әдәбият мөстәкыйль бер әдәби тармакка әйләнә - Әлфрид Бустанов
19 ноябрьнең төп вакыйгалары - фото һәм сылтамалар
Павел Шмаков: Татар телен укыту - бу халыкка хөрмәт
Астрономнар галәмдә Җиргә охшаган планета тапкан
Кәрим Тинчурин театры Бонн шәһәрендә «Назлы кияү» музыкаль комедиясен күрсәтте

Җәмгыять

Россиялеләр Иҗтимагый палатага курортларның пычрак пляжларыннан зарланган

17 август 2017, 13:56

Россия туристларында Төркия курортлары да ризасызлык уяткан.

(Казан, 17 август, «Татар-информ»). Җәйге сезон башланганнан алып Россия Иҗтимагый палатасының кайнар линиясенә туристларның хокуклары бозылуга кагылышлы 800дән артык мөрәҗәгать килгән. Халык, нигездә, Россия курортларындагы пычрак пляжлар һәм чүп-чардан зарлана, дип хәбәр итә РФ Иҗтимагый палатасының матбугат хезмәте.

Шикаятьләрнең күбесе (50 проценты) инфраструктура һәм хезмәт күрсәтү дәрәҗәсе канәгатьләндермәгән туристлардан килгән. Мөрәҗәгатьләрнең 30 процентка якыны «ВИМ-Авиа», AZUR air, Royal Flight, «Россия», Nordwind, «Урал авиалинияләре» авиакомпанияләренең начар эшләве, рейсларны тоткарлавына бәйле проблемаларга кагыла. Алар, нигездә, Мәскәү, Екатеринбург һәм Санкт-Петербургтан килгән. Гражданнар шулай ук пычрак пляжлар һәм шәһәрләрдәге чүп-чардан зарланган. Мондый мөрәҗәгатьләрнең күбесе Краснодар краенда (70 проценттан артык), аерым алганда, Анапа, Геленджик һәм Сочида ял итүчеләрдән килгән.

Россия туристларында Төркия курортлары да ризасызлык уяткан – аларны башка кунакханәдә урнаштырганнар, хезмәт күрсәтү дәрәҗәсе туроператор яки турагентлык вәгъдә иткәннәргә җавап бирмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр