ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Авыл

Урып-җыюда үз потенциалларын тиешенчә кулланмаган районнар бар – Илдус Габдрахманов

16 август 2017, 13:33 , Фото: Султан Исхаков

Урып-җыюда үз потенциалларын тиешенчә кулланмаган районнар бар – Илдус Габдрахманов Бөгелмә, Питрәч, Әгерҗе, Югары Ослан районнары комбайн потенциалын тулы көченә кулланмый, ди министр урынбасары.

(Казан, 16 август, “Татар-информ”, Чулпан Шакирова). Татарстан аграрийлары бер миллион тонна ашлык суктырып алды. Әмма урып-җыюда үз потенциалларын тулысынча кулланмаган районнар да бар. Бу хакта “Татар-информ” агентлыгы оештырган матбугат конференциясендә ТР Авыл хуҗалыгы һәм азык-төлек министрының җир эшләре буенча урынбасары Илдус Габдрахманов әйтте.

“Бер комбайнга уртача көчәнеш 455 гектар күләмендә туры килә. Аларга тәүлек дәвамында гомуммәйданның 3,5 %ын суктыру бурычы куелды. Сүз дә юк, 3,5 %ны үтәргә кирәк. Кичәге тәүлектә техника потенциалын күбрәк кулланган районнар да билгеле булды. Зәй, Тәтеш, Түбән Кама, Актаныш, Балык Бистәсе, Яңа Чишмә районнары үз потенциалларын арттырып үти. Артта калучылар да юк түгел. Бөгелмә үз потенциалын 48 % кына башкара. Монда комбайн гаебе дип уйламыйм. Оештыру эшләре ахырына кадәр уйланылмаган. Азнакай, Питрәч, Әгерҗе, Югары Ослан районнарына да шелтә бар. Шартлы комбайн дип без “Дон”ны атыйбыз. Ул 50 тонна ашлык суктырып алырга тиеш”, – диде министр урынбасары.

Илдус Габдрахманов районнарда урып-җыю эшләре оештырылуын начар дип бәяләми.

“Соңгы өч көн урып-җыю өчен бик матур булды. Бүген төнлә кайбер районнарда яңгыр явып үткән, әмма ул эшкә аяк чалыр дип уйламыйм. 25 августка кадәр синоптиклар фаразлары буенча һава торышы бик әйбәт тора, шуңа күрә аграрийларга бу аралыкта үз көчләрен тулы куәтенә куллану бурычы куябыз, – диде спикер.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр