ҺАВА ТОРЫШЫ -6 oC

Яңалыклар

барлык хәбәрләр Татарстан Россия
МӨҺим
Уфа «Нур» дәүләт татар театрында шигырь бәйрәме узды
Кытай компанияләре Татарстанга чүп-чарны эшкәртергә ярдәм итәргә әзер
Энгель Фәттаховның улы Мамадыш Башкарма комитеты җитәкчесе вазифасыннан азат ителде
15 декабрьнең төп вакыйгалары - фото һәм сылтамалар
Рөстәм Миңнеханов Казанда яңа торак төзелеше буенча күчмә утырыш үткәрде

Дин

"Шәкертләр бәйрәме" кунаклары Шыгырдан авылында яңа төзелә торган 7нче мәчеттә намаз укыды

13 август 2017, 17:15

“Мөслимә” мәчете Чувашстанда - 46 нчы, Шыгырдан авылында 7 нче мәчет булачак.

(Чуваш Республикасы, 13 август, “Татар-информ”, Алмаз Биккол). Бүген Чуваш Республикасы Шыгырдан авылында 11 нче республикакүләм “Шәкертләр бәйрәме” кунаклары авылның төзелеп килүче 7 нче мәчет бинасында намаз укыдылар.

Өйлә намазына вакыт килеп җиткәндә, кунаклар “Халыклар дуслыгы” паркыннан -  яңа төзелеп килүче “Мөслимә” мәчетенә юл тоттылар. Анда аларны мәчетне төзетүче Минсәет Купкенов каршы алды. Ул кунакларга төзелешнең нинди дәрәҗәдә булганын сөйләде.

“Мөслимә” мәчете Чувашстанда - 46 нчы, Шыгырдан авылында 7 нче мәчет булачак. Төзелеш узган елның октябрь аенда “Шыгырдан авыл икътисади форумы” вәкилләре катнашында башланган иде. Иске татар стилендәге мәчет агымдагы елның октябрь аенда “Шыгырдан авыл икътисади форумы” вакытында ишекләрен ачачак.

Искәртеп үтик, мәчет төзүне башлаганда, киләсе буыннарга юлланган капсула салынган. Россия мөселманнарының дини җыены рәисе, Чувашстан мөфтие Әлбир хәзрәт Крганов капсула хакында болай дип хәбәр иткән иде: “Капсулага кыскача тарихыбыз турында язылган, үткән буыннарны догадан ташламаска, динебезнең, милләтебезнең туры юлын саклап барырга кирәк дигән эчтәлектәге мөрәҗәгать салынды”, - дип сөйләгән иде ул.

Татарларның үзенчәлекле борынгы стилендә төзелә торган “Мөслимә” мәчете Шыгырдан авылының яңа микрорайонында урнашкан. Киләчәктә биредә якынча 162 йорт булачак.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр