ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Р.Миңнехановка Татарстан Милли банкының яңа идарәчесе Марат Шәрифуллинны тәкъдим иттеләр
Яңа ел төнендә Казан кунакханәләре 88 процентка тулы булачак
Казанда дагъстанча Мәүлид узды
Эльмира Закирова: «Язучы булу рәхәт икән!» - "Шәһри Казан" газетасы
Telegramда иске татар телендә яңа канал булдырылды

Спорт

Әлмәттә районның спортлы гаиләсен ачыкладылар

13 август 2017, 08:00

Әлмәттә районның спортлы гаиләсен ачыкладылар Физкультурачы көне декадасы кысаларында уздырылган чарага 50 гә якын гаилә, барлыгы 200 ләп кеше килгән иде.

(Әлмәт, 13 август, "Татар-информ", "Әлмәт таңнары"). Сәламәт яшәү рәвешен пропагандалау һәм халыкны спортка тарту ниятеннән бүген шәһәр пляжында “Районның иң спортлы гаиләсе” дигән фестиваль узды, дип яза җирле басма.

Физкультурачы көне декадасы кысаларында уздырылган чарага 50 гә якын гаилә, барлыгы 200 ләп кеше килгән иде. 5 ел уздырылган бу спорт бәйрәменә гаиләләре һәм туганнары белән җыелу күпләр өчен матур бер гадәткә әйләнеп бара. Кайбер гаиләләр хәтта балаларының үсеп (5 яшь тулгач кына катнашып була), спортка тартыла башлавын түземсезлек белән көтеп торалар. Аеруча яшь гаиләрнең мондый чараларда актив катнашуы куандыра. Быел исә балалар бакчасына йөргән сабыйларның ата-аналары һәм шундый яшь гаиләләргә өстенлек бирелде.

 

Спорт уеннары башланыр алдыннан фестивальнең иң күңелле өлеше булды - бөтен кеше дә бердәм булып зарядка ясады.

 

Нинди генә кызыклы уеннар булмады фестивальдә? Тупны боҗрага кертү дә, 16 килограмм авырлыктагы герне күтәрү дә, урыннан озынлыкка сикерү дә күп әти-әниләр өчен җеңел бирелде. Нәниләр өчен исә спортның җиңелләштерелгән уеннары булды. Кыскасы, бу бәйрәм үзара көч сынашудан бигрәк, гаиләләрне дуслаштыра, туганнарны күрештерә торган гаилә бәйрәменә әверелде. Гаиләләр физик күнегүләрдән соң күтәренке рух һәм сәламәт тән белән өйләренә таралышты, диелгән хәбәрдә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр