ҺАВА ТОРЫШЫ +12 oC

Яңалыклар

барлык хәбәрләр Татарстан Россия
МӨҺим
1 сентябрьгә Казан федераль университетының рәсми сайты татар телендә дә эшләячәк
Рөстәм Миңнеханов Мәскәүдә Татарстан көннәре хөрмәтенә оештырылган гала-концертны ачты
Барлык уеннарга да бер төрле әзерләнәбез – Рифат Җамалетдинов
"Татар-информ" сайтында соңгы 24 сәгатьтә 200 меңнән артык укучы булган
17 августның төп вакыйгалары - фото һәм сылтамалар

Спорт

Әлмәттә спорт бәйрәме узды

12 август 2017, 23:00

Әлмәттә спорт бәйрәме узды

(Әлмәт, 12 август, "Татар-информ", "Әлмәт таңнары"). Ел да августның икенче шимбәсендә бөтен илдә физкультурачылар көнен билгеләп узалар. Әлмәттә ул быел шәһәр пляжында узды, дип яза җирле басма.

Спортчылар, сәламәт яшәү рәвешен тормыш шигаре итеп алган йөзләгән яшьләр һәм өлкәннәр физкультурачылар көнен билгеләп узарга җыелды бүген.

 

Бездә 70 меңнән артык кеше актив рәвештә спорт белән шөгыльләнә. Һәм моның өчен барлык шартлар да тудырылган. Районда 8 спорт мәктәбе эшли, 23 спорт федерацияләре һәм клублары, 600 ләп спорт оешмалары бар. 500 дән артык кеше физик культура һәм спорт юнәлешендә хезмәт куя.

Физкультурачылар көнендә дә спортны үстерүгә үзләреннән саллы өлеш керткән мөгаллимәләргә, тренерларга мактау билгеләре, грамотлар һәм район советы һәм башкарма комитетының Рәхмәт хатларын тапшырдылар.

- Әлмәттә спортны үз итүчеләр бик күп. Һәм алга таба сәламәт яшәү

рәвеше алып баручылар саны тагын да артыр дип өметләнәбез. Без моның өчен барысын да эшлиячәкбез. Актив тормыш алып бару, спортлы булу бүген модада, - диде район башлыгы Айрат Хәйруллин шәһәр халкын зур вакыйга белән тәбрикләп.

 

 

 

Районда спортның үсешендә нефтьчеләрнең дә роле зур булуын, спорт корылмаларына халыкның тагын да активрак йөрүен «Татнефть» ААҖ нең спорт буенча кураторы Дамир Гарайшин да атап үтте.

 

Төрле спорт юнәлешләре буенча мастер-класслар да оештырылды. «Импульс» клубының иң актив катнашучылары да үзләренең кызыклы чыгышларын күрсәтте. Пляж волейболы, шахмат буенча пляж ярышларын да халык зур кызыксыну белән карады.

 

 

ГТО мәйданчыгы да аерым игътибарга лаек иде. Теләге булган һәркем анда катнашып, үзен сыный алды. Сәламәтлек мәйданчыгында да халык үзен тикшереп карады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр