ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Мәскәүдә Рәшит Ваһапов исемендәге халыкара татар җыры фестивале концерты узды
22 октябрьнең төп вакыйгалары - фото һәм сылтамалар
Зур теләк белән уйнадык – Зиннәтулла Билалетдинов
"Ак Барс" хоккейчылары Казанда "Металлург" командасын отты
Ислам дине нигезендә татар телен сакларга була - Рушан Аббясов

Җәмгыять

Республикада кыска вакытлы яңгырлар көтелә

11 август 2017, 21:18

Республикада кыска вакытлы яңгырлар көтелә Шимбә-якшәмбедә Татарстанда һәм Казанда алмашынучан болытлы һава торышы сакланачак.

(Казан, 11 август, «Татар-информ»). Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, 12 һәм 13 августта Татарстанда һәм Казанда алмашынучан болытлы һава торышы сакланачак.

12 августта урыны белән кыска вакытлы яңгыр, аерым районнарда яшенле яңгыр явуы фаразлана. Төньяк-көнбатыштан уртача тизлектә, яшен вакытында тизлеге секундына 15-18 метрга кадәр җитәчәк көчле җил көтелә. Төнлә һаваның минималь температурасы республика буенча +12..+17, ә көндез максималь температура +20..+25 градусны тәшкил итәчәк.

Башкалада төнлә һаваның минималь температурасы +14..+16, көндезге сәгатьләрдә максималь температура +20..+22 градус булачак, дип фаразлый синоптиклар.

13 августта республикада явым-төшемнәр көтелми, төньяк-көнбатыштан талгын җил исәчәк. Төнлә +9..+14, көндезге сәгатьләрдә +20..+25 градус җылы булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр