ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Мәскәүдә Рәшит Ваһапов исемендәге халыкара татар җыры фестивале концерты узды
22 октябрьнең төп вакыйгалары - фото һәм сылтамалар
Зур теләк белән уйнадык – Зиннәтулла Билалетдинов
"Ак Барс" хоккейчылары Казанда "Металлург" командасын отты
Ислам дине нигезендә татар телен сакларга була - Рушан Аббясов

Икътисад

Төзелеш министрлыгы 32 төбәкнең торак инфраструктурасы өчен субсидия бирергә уйлый

11 август 2017, 19:03

Программа кысаларында социаль инфраструктура объектлары төзелешенә ел саен федераль казнадан 20 миллиард сум акча бүленә.

(Казан, 11 август, «Татар-информ»). Россиянең Төзелеш һәм торак һәм коммуналь хуҗалык министрлыгы "Торак" федераль максатчан программасы кысаларында гамәлдә булган "Россия Федерациясе субъектларында торак төзелеше үсеше программасын стимуллаштыру" программасы нигезендә илнең 32 төбәгенә 100 проект өчен субсидия бирергә уйлый. Бу хакта торак төзелешен үстерү мәсьәләләре буенча Россия Премьер-министры Дмитрий Медведев белән узган киңәшмәдә төзелеш министрлыгы башлыгы Михаил Мень хәбәр итте.

Аның сүзләренчә, әлеге программа кысаларында социаль инфраструктура объектлары төзелешенә ел саен федераль казнадан 20 миллиард сум акча бүленә. 2017 елда 32 төбәк 60тан артык инвестицион проектны тормышка ашыру өчен ярдәм алган, диде министр.

"Хәзерге вакытта 2018 елда әлеге программада катнашу өчен субъектлар сайлана. Акча 32 төбәктә 100 проектны тормышка ашыруга бүленәчәк. Әлеге проектлар буенча торак торгызуның планлаштырган күләме 8 миллион квадрат метрдан артыграк, ягъни 2017 елгыдан күбрәк дигән сүз", – дип белдерде Мень.

Ул шулай ук әлеге акчаны вакытында федераль казнага салырга кушты. Чөнки төзелеш циклы ике елны тәшкил итәчәк һәм инвестор әлеге дәүләт программасының тотрыклы булуын аңларга тиеш.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр