ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Казанда IX «Һөнәр» фестивале үткәреләсе көннәр билгеләнде
Татар галимнәре, Казахстан галимнәре белән берлектә, татар каберташ язмаларын тикшерәчәк
КФУда телләр һәм мәдәниятләр проблемалары хакында сөйләшәләр
"Үзгәреш жиле"нә барлык билетның 85 проценты сатылган
Мирасханә фондында 50 меңнән артык хәзинә бар – Илһам Гомәров

Икътисад

Авиакомпанияләр пассажирлар ташуны 20 процентка арттырган

11 август 2017, 13:15

Авиакомпанияләр пассажирлар ташуны  20 процентка арттырган 2017 ел нәтиҗәләре буенча очучы пассажирлар саны 100 миллион кешегә җитәргә мөмкин.

(Казан, 11 август, "Татар-информ"). Россия авиакомпанияләре быел июль аенда авиапассажирлар ташу күләмен 17,5 процентка, 11,88 млн кешегә кадәр арттырган, дип хәбәр ителә Росавиация сайтында. Бу хакта “Российская газета” хәбәр итә.

Шул ук вакытта Россия авиациясендә кәнәфиләрнең 89,8 процентка кадәр тулы булуын билгеләп үткәннәр. Узган ел белән чагыштырганда, ул беразга үскән.
Россия авиакомпанияләрендә пассажирлар агымы 20,7 процентка арткан. Гыйнвар аеннан июльгә кадәр һава транспорты барлыгы 58,12 млн кеше ташыган. Пассажир әйләнеше бу вакытта 23,3 процентка , 143,3 млрд пассажир-километрга үскән.

Пәнҗешәмбе, 10 августта Транспорт министрлыгы башлыгы Максим Соколов "Россия 24" телеканалына интервьюда, 2017 ел нәтиҗәләре буенча очучы пассажирлар саны 100 миллион кешегә җитәргә мөмкин, дип белдергән. Димәк, узган елгы дәрәҗәдән ул 13 процентка артык булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр