ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Мәдәният

Бөтендөнья татар конгрессы делегатлары һәм кунаклары Теләчедә Сабан туенда булды

5 август 2017, 21:01

Алар “Теләче” сәнәгать мәйданчыгында эш барышы белән танышты, үзләрен кызыксындырган сорауларга җавап алды.

(Теләче, 5 август,  "Татар-информ", "Теләче", Эльмира Әхмәтҗанова).  Бүген, 5 август көнне, Теләче районында Сабан туе узды, аны тамаша кылырга дип, Бөтендөнья татар конгрессының VI корылтае делегатлары да килде. Татар конгрессы делегатлары иң элек “Теләче” сәнәгать мәйданчыгында булып, андагы эш барышы белән танышты, үзләрен кызыксындырган сорауларга җавап алды. Татар халкының милли бәйрәмендә җырлап-биеп күңел ачты, дип хәбәр ителә “Теләче” газетасында.

Сабантуй, гадәттәгечә, районыбызның баш мөхтәсибе Исмәгыйль Фәләхиевның хәер-фатыйхасы белән башланып китте. Аннары бәйрәм кунакларын, хезмәт сөючән райондашларыбызны Теләче муниципаль район башлыгы Илдус Зарипов, Казан кунаклары тәбрикләде. Сабантуйга килүчеләр аеруча авыл хуҗалыгы хезмәт алдынгыларын, ил табынын баетучыларны бүләкләү тантанасын бердәм карады, зурлап алкышларга күмде. Бүләкләү тантанасыннан соң, үзешчәннәребезнең, балаларның массакүләм чыгышлары нур өстенә нур булды.

“Сәйдәш” бию төркеме чыгышы, якташларыбызның җырлары да халык күңеленә хуш килде. Зәңгәр күктәге аллы-гөлле төсләргә бай булган салют олысына да, кечесенә дә ошады. Сабантуйның мәртәбәле кунаклары, район халкы капчык сугышы, гер күтәрү, вертикаль баганага менү, кул көрәше, катыктан акча эзләү кебек уеннарда аеруча теләп катнашты. Стадионда футбол, волейбол уены кызды. Яңгыр явып торса да, егетләр уеннан аерылмады. Ат чабышы ярышы башлангач, бар халык шунда күчте. Әлеге ярыш олысын да, кечесен дә үзенә җыйды. Бу минутларда мәйданда көрәш гөрли. Баш батырга тәкә белән кыйммәтле бүләк кенә түгел, ә Сабантуй химаячесе “Изумруд” зәркән кибетләр челтәре тарафыннан әзерләнгән һәм бриллиант белән бизәлгән медаль дә тапшырылачак, дип хәбәр итә район басмасы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10