ҺАВА ТОРЫШЫ +16 oC

Яңалыклар

барлык хәбәрләр Татарстан Россия
МӨҺим
Мәскәүдә башкорт телен яклап концерт куйганнар
Татарстан спортчылары Австриядә стендта ату буенча көмеш медаль яулады
Казанда һәм Питрәчтә җир урлаган өчен биш кешене хөкем итәләр
РФ Республикалары туган телне ихтыяри өйрәнү буенча ТР Дәүләт Советы мөрәҗәгатен хуплады
Теләче районы өч көннән язгы чәчү эшләрен төгәлләргә ниятли

Мәдәният

Менделеевск районында керәшен шагыйре Егор Уткинның 85 еллыгын билгеләп үттеләр

28 июль 2017, 13:26

Татарстанның танылган мәдәният әһелләре, язучылар, артистлар шагыйрьне искә алу өчен аның туган авылына кайтты.

(Казан, 28 июль, "Татар-информ"). 27 июльдә республиканың Менделеевск районында керәшен шагыйре Егор Уткин тууына 85 ел тулуны билгеләп үттеләр. Тантанада катнашучылар арасында танылган мәдәният эшлеклесе, Татарстанның халык артисты Галина Казанцева, Татарстанның халык артисты, Г.Камал исемендәге Татар дәүләт академия театры актеры Николай Дунаев, Татарстанның халык шагыйре Гәрәй Рәхим бар иде.

Бәйрәм чаралары Бөрешле авылындагы истәлек ташы янында башланып китте. Биредә кайчандыр шагыйрь йорты торган.

"Үзе исән чакта биш җыентыгы чыкты, аннары дөнья күрмәгәннәрен туплап, “Күңелемә коя чишмәләр” китабын чыгарырга насыйп булды, – дип сөйләде шагыйрьнең улы Игорь Уткин. – Узган ел Татарстан Президенты Рөстәм Миңнехановка шигырьләрне рус теленә тәрҗемә итеп бастыру тәкъдиме белән мөрәҗәгать иттем. Татарстан Язучылар берлеге бу инициативаны хуплады, алар тәрҗемә белән шөгыльләнүче төркем билгеләде".

Егор Уткин хәзер Менделеевск районына кергән Бөрешле авылында 1932 елның 27 июлендә туа. Шагыйрьнең тормышы Менделеевск шәһәрендә Л.Карпов исемендәге химик завод белән тыгыз бәйләнгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10