ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Сабантуенда төп бүләк сөлге булырга тиеш - Кадрия Идрисова
Марат Әхмәтов: “Авыл хуҗалыгы ярминкәләре – чиста социаль проект”
"Ак калфак" татар хатын-кызлары иҗтимагый оешмасы Сарман районында күчмә утырыш уздыра
Шикәр чөгендере чәчүчеләр, шикәр заводлары быел зур керем ала алмаска мөмкин – министр
Якшәмбе кичендә Рәдиф Кашаповтан рок, фолк һәм скрипкалы концерт

Мәдәният

Татарда драматурглар күплектән режиссерлар кылтаеп китәләр – Данил Салихов

17 июль 2017, 14:28 , Фото: Султан Исхаков

Татарда драматурглар күплектән режиссерлар кылтаеп китәләр – Данил Салихов Килер шундый көннәр – “Бирегез инде бер әсәр”, дип йөриячәкләр, дигән фикердә Татарстан язучылар берлеге рәисе.

(Казан, 17 июль, «Татар-информ», Рузилә Мөхәммәтова). “Татар драматургларының кадерен белергә кирәк. Иң күп драматурглар татарда”, - диде Татарстан Язучылар берлеге рәисе, драматург Данил Салихов “Татар-информ” хәбәрчесенә 22-23 июльдә узачак Туфан Миңнуллин исемендәге I Россия күләмендә драматурглар семинары турында сөйләгәндә.

“Безнең драматурглар Башкортстан сәхнәләрен дә тутырып тора. Бездә аларның кадерен белмиләр. Килер шундый көннәр – “Бирегез инде бер әсәр”. дип йөриячәкләр. Бездә кайчагында режиссерлар кылтаеп китәләр. Бәлки, барлык белән кылтая торганнардыр”, - ди ул аптырап.

Данил Салихов элек режиссерларның драматурглар белән бергә эшләвен искәртә, Рәфкать Бикчәнтәев белән Хәй Вахит, Туфан Миңнуллин белән Марсель Сәлимҗанов тандемын мисалга китерә.

“Юк диеп утырырга ярамый. Чакыр да әйт: Данил туганкаем, пьесаңны алдым, бу җире ошамый”, - диген. Бергәләп фикерләшер идек. Спектакль шулай туа”, - ди ул.

Мәгълүмат өчен. Драматург Данил Салиховның 32 әсәре төрле театрларда куелган. Шул исәптән, Башкортстан театрларында да. Быел Ногай театры “Туганлык” фестиваленә Данил Салихов әсәрен алып киләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр