ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак
Мамадышта Мансур Шиһапов истәлегенә багышланган бәйгедә яшь иҗатчыларны бүләкләделәр
Россиялеләр ЗАГСка гаризаны никахны теркәү көненә кадәр бер ел алдан тапшыра алачак

Җәмгыять

Алабуга юлларын төзекләндерүгә республика бюджетыннан өстәмә рәвештә 30 млн сум бирелгән

17 июль 2017, 07:00

Алабуга юлларын төзекләндерүгә республика бюджетыннан өстәмә рәвештә 30 млн сум бирелгән Балалар мәйданчыклары турында да сүз булды, аларны 15 урында урнаштырырга исәплиләр.

(Алабуга, 17 июль, "Татар-информ", "Алабуга нуры"). Алабуга районы башлыгы Геннадий Емельянов үзенең кул астындагыларга комиссия белән шәһәрдәге барлык ишегалларын йөреп чыгарга һәм кайда юл катламын төзекләндерергә кирәклеген ачыкларга кушты, дип яза җирле басма.

Алабуга юлларын төзекләндерүгә республика бюджетыннан өстәмә рәвештә 30 миллион сум акча бүлеп бирелгән. “Аларны кварталлар арасындагы юлларны рәтләүгә тоту, кирәк урында – машина кую урыннарын киңәйтү кирәк. Киләсе елда бөтен игътибарыбызны ишегалларына юнәлтәчәкбез, аларны беренче чиратта төзекләндерәчәкбез”, – диде район башлыгы.

Быел шәһәрнең аскы өлешендә һәм Нефтьчеләр пропектында тротуарлар барлыкка киләчәк. Балалар мәйданчыклары турында да сүз булды, аларны 15 урында урнаштырырга исәплиләр. Моңа ике ай вакыт үтәчәк. Геннадий Емельяновны бу ара канәгатьләндермәде. Соңгы көннәрдә төзү өлкәсе тарафына болай да шелтә яудырган башлык эшләрне тизрәк башкару өчен, чишелеш табарга боерды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10