ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
Исерек килеш руль артына утырган өчен ОСАГО бәясен арттырырга тәкъдим итәләр
Халыкара "Татар кызы" бәйгесендө Татарстанны Гөлназ Гатина тәкъдим итәчәк
Синоптиклар шимбә кырау төшүен фаразлый
Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе
Татар шундый фаҗигага юлыкса да, ул барыбер үз урынын тапкан – тарихчы

Хәвеф-хәтәр

Әтнә районында узган атнада машина йөртүчеләргә 21 беркетмә төзелгән

17 июль 2017, 06:00

Әтнә районында узган атнада машина йөртүчеләргә 21 беркетмә төзелгән Кибетләр янында машинасын тротуарга аркылы куйган йөртүче ике мең сум күләмендә штраф түләячәк.

(Әтнә, 17 июль,"Татар-информ", "Әтнә таңы"). Яңгырлары белән узган сабантуйлардан соңгы атна барышында Әтнә районы юлларында чагыштырмача тынычлык хөкем сөргән. Юл кагыйдәләрен бозучыларга төзелгән протоколлар саны 21 булу әнә шул хакта сөйли. Юл аркылы дөрес урыннан чыкмаган 6 җәяүле, техник яктан төзексез транспорт чарасында, утын кабызмыйча йөрүче, номерлары пычрак – берәр, юл билгесе кушканны үтәмәгән – ике, куркынычсызлык каешын такмыйча йөргән биш йөртүче җавапка тартылган, дип яза җирле басма.


Кибетләр янында машинасын тротуарга аркылы куйган йөртүче ике мең сум күләмендә штраф түләячәк. Юридик затка караган машинаны “путевой лист”ы булмаган килеш, механикка һәм медицина хезмәткәренә куллар куйдырмыйча юлга чыгарган өчен хуҗаларына 30ар мең сум күләмендә штраф түләргә туры киләчәк. Бу хакта мондый затлар онытмасын иде. Бер вак юл һәлакәте теркәлгән. ЮХИДИ бүлекчәсе җитәкчесе Рифат Нурмехаметов юлда йөргәндә киемдә яктылык кайтаргыч элементлар булуга игътибар кирәклеген кисәтә.

Штрафларга да бармак аша карау ярамый. Вакытында түләнмәгән штрафны икеләтә күләмдә түләргә туры килмәгәе. Шуңа өстәп 15 тәүлеккә арест һәм 50 сәгатькә мәҗбүри эшләр дә каралган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр