ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
"Ак Барс" хоккейчылары Уфада "Салават Юлаев" командасын тар-мар итте
Зилә Вәлиева: Мөслимәләр корылтаенда катнашкан ханымнарның язмышы мәңгеләштерелергә лаек
Татарстанда яңгыр һәм җепшек кар явачак
Рөстәм Миңнеханов губернатор-блогерлар рейтингында бер юлы 7 позициягә күтәрелде
Сәрия Сабурская: Элекке тоткыннарны эшкә урнаштыру буенча квоталар кирәк

Мәдәният

Баулы районы Томбарлы авылында Әбиләр сабантуе узды

16 июль 2017, 23:00

Баулы районы Томбарлы авылында Әбиләр сабантуе узды Бу үзенчәлекле, башка беркайда да кабатланмаган бәйрәм Томбарлыда инде илле елдан артык үткәрелә.

(Баулы, 16 июль, "Татар-информ", "Хезмәткә дан", Фәридә Зыярова). Сабантуйлары күп хәзер – ниндиләре генә юк: колачлы, зур итеп, танылган артистлар чакырып үткәргәннәре дә, фейерверклы, тамашалы кичке авыл сабан туйлары да бар. Һәрберсе үзенчә матур, әлбәттә. Әмма мәйданының һәр метры күңел җылысы белән сугарылганы кайсы дип сорасалар, кичә узган “Әбиләр сабантуе” дияр идем, дип язылган район басмасында.

Бу үзенчәлекле, башка беркайда да кабатланмаган бәйрәм Томбарлыда инде илле елдан артык үткәрелә. Заманында карт-корыларны, район сабан туена бара алмаганнарны нәүмиз калдырмау, күңелләрен күтәрү максаты белән оештырылган бу игелекле чара әле дә булса үз рухын югалтмый. Кешеләр үзгә бер җылылык алу өчен җыелалар анда. Томбарлы халкы гына түгел, Баулыда гомер итүче авылдашлар да, күрше авыл кешеләре дә килә.

Урыны да аның искиткеч – калкулыктагы хуш исле каенлыкта, аннан туган якның иксез-чиксез киңлекләре ачыла, Томбарлы исә үч төбендәге кебек.

Ботакларын чатыр кебек җиргә кадәр төшергән зур, калын кәүсәле каенның төбе сәхнә ролен үти. Каршыдагы каеннарның күләгәсе исә – тамашачы залы. Бирегә кешеләр гаиләләре белән килеп, чирәмгә әйбер җәеп рәхәт итеп утыралар.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр