ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
"Ак Барс" хоккейчылары Уфада "Салават Юлаев" командасын тар-мар итте
Зилә Вәлиева: Мөслимәләр корылтаенда катнашкан ханымнарның язмышы мәңгеләштерелергә лаек
Татарстанда яңгыр һәм җепшек кар явачак
Рөстәм Миңнеханов губернатор-блогерлар рейтингында бер юлы 7 позициягә күтәрелде
Сәрия Сабурская: Элекке тоткыннарны эшкә урнаштыру буенча квоталар кирәк

Фән һәм мәгариф

"Оста мөгаллим" республика грант бәйгесенә гаризалар кабул итү башланды

16 июль 2017, 16:59

Гаризалар агымдагы елның 20 июленә кадәр кабул ителә.

(Казан, 16 июль, "Татар-информ"). Татарстан Мәгариф һәм фән министрлыгы "Оста мөгаллим" республика грант бәйгесенә гаризалар кабул итү хакында игълан итә. Бу хакта оешманың матбугат хезмәте җиткерә.

Бәйге нигезләмәсе буенча, "Оста мөгаллим" бәйгесе түбәндәгеләр укытучылар арасында үткәрелә:

1. Республиканың татар телендә гомуми белем бирү һәм рус телендә гомуми белем бирә торган мәгариф оешмаларының татар сыйныфларында эшләүче беренче һәм югары квалификация категорияле укытучылар, төгәлрәк: математика, информатика, химия, физика, биология, география, тарих, җәмгыять белеме, физик культура, технология, тормыш иминлеге нигезләре, шулай ук башлангыч сыйныф укытучылары;

2. 2016 елда республика белем бирү оешмаларында һөнәри үсеш буенча грант программасы җиңүчеләре булган, шулай ук мәгариф өлкәсендә зур нәтиҗәләргә ирешеп, үз педагогик тәҗрибәсен актив тараткан укытучылар.

"Оста мөгаллим" исеме өчен көрәшергә теләүчеләргә http://uchiteltatarstan.ru адресы буенча гариза бирергә кирәк. Шулай ук министрлык сайтында тәкъдим ителгән рәвештә документлар беркетү сорала.

Гаризалар агымдагы елның 20 июленә кадәр кабул ителә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр