ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак
Мамадышта Мансур Шиһапов истәлегенә багышланган бәйгедә яшь иҗатчыларны бүләкләделәр
Россиялеләр ЗАГСка гаризаны никахны теркәү көненә кадәр бер ел алдан тапшыра алачак

Дин

Иерусалим мәчетендә җомга намазларын тыйганнар

16 июль 2017, 13:21 , Фото: dumrt.ru

Иерусалим мәчетендә җомга намазларын тыйганнар Ислам галимнәре рәсми чыгыш белән чыккан, шулай ук Татарстан мөфтие дә бу хәлне тәнкыйтьли.

(Казан, 16 июль, "Татар-информ"). Израил полиция хезмәткәрләре 14 июльдә өч палестиналыны атып үтерә. Әлеге вакыйга ислам диненең изге гыйбәдәнханәсе – Әл-Акъса мәчете янында була. Израил ягы версиясе буенча, кораллы палестиналылар хокук тәртибе сакчыларына ут ача. Израилдә Әл-Акъса мәчетендә җомга намазлары тыелу турында игълан иткәннәр. Әлеге карар, имеш, халыкның иминлеген тәэмин итү өчен кабул ителгән. 

Шам (Сүрия) берлеге галимнәре рәсми белдерү белән чыгыш ясаган. Анда алар Израил хакимиятенең бу карарын гаеп итеп, бөтен мөселман дөньясының канәгатьсезлеген белдергән. Бу хакта Татарстан мөселманнарының Диния нәзарәте матбугат сайты хәбәр итә.

"Без дөньядагы барлык мөселманнарны, берләшеп, бу җинаятькә каршылык күрсәтү өчен бер рәткә басарга чакырабыз", - диелә белдерүдә.

Татарстан мөфтие Камил хәзрәт Сәмигуллин шулай ук “Әл-Акъса” мәчетен ябуны гаеп иткән. "Шам (Сүрия) берлеге галимнәре хәбәрендә Әл-Акъса мәчете тирәсендәге хәлгә ачыклык кертелә, ә гаммәви мәгълүмат чараларында вәзгыять бер яклап кына күрсәтелә, анда бер якның корбаннарын гына искә алып, мөселманнар арасында зыян күрүчеләр турында берни әйтелми. Шушы документтан кораллы һөҗүмнең провокация нәтиҗәсендә килеп чыгуы ачыклана. Шуңа да ул җирле мөселманнарда канәгатьсезлек тудырган".
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10