ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Заманча татар драматургиясенең башкаларга өлге булырдай үрнәкләре бар — Сәрвәр Сурина
"Бөек Болгар" фестивале халыкара статус алды
Мөфти Гайнетдин Дамир Мөхетдиновны орден белән бүләкләү турындагы боерыкны имзалаган
Татарстан йөзүчесе Александр Красных дөнья чемпионатында ярымфиналга узды
Югары Ослан мөселманнары Марокко шәехе белән очрашкан

Җәмгыять

Балтач районы Карадуган авылында яшәүче Зиннәтуллиннар ишегалдын гөлбакча иткәннәр

16 июль 2017, 08:00

Балтач районы Карадуган авылында яшәүче Зиннәтуллиннар ишегалдын гөлбакча иткәннәр Иртә яздан теплицага кыяр, помидорлар, кавын-карбыз утыртканнар.

(Балтач, 16 июль, "Татар-информ", "Хезмәт", Дилбәр Гарифуллина). Балтач районы Карадуган авылында яшәүче Зиннәтуллиннар ишегалдын гөлбакча иткәннәр, дип яза җирле басма.

Сүзләре хак булып чыкты: ишегалдын гөлбакча иткәннәр. Түрдә пальмалар үсеп утыра, аның ышыгында сине негр кызы сәламли. Эт тә оясыннан чыгып, кояш астында изрәп ята, арбасына гөл чүлмәген утырткан ат каядыр ашыга. Чыршы, туя агачы төпләренә керпеләр ияләшкән. Эскәмия астында еланнар шуыша. Ул да түгел, юлыңа пингвиннар килеп чыга, тәвә кошы, павлиннар да бар икән әле монда. Ясалма күлдә үрдәкләр йөзә. Ишегалды буйлап йөри торгач, урамда җәй дими үсеп утырган гөмбәле аланга да килеп чыгасың. Боларның барысын да Әлфия апа белән Фаяз абый пластик шешәләрдән һәм цементтан катырып эшләгән.

– Баштарак бу эшкә ирем Фаяз тотынды, мин дә кызыгып киттем. Пенсиягә чыккач, вакыт та күбәйде. Эшкә өйрәнгән куллар тик тора белми, нәрсә эшлим икән, дип, кычытып кына торалар. Улыбыз Рүзәлгә дә йокты бу шөгылебез. Ул тегермән, кое, беседка, чәй эчәргә түгәрәк өстәл, шашлык пешерергә мангал эшләп куйды. Оныкларга күңелле булсын өчен дип тә тырышабыз инде. Урамнан балалар җыелышып керә, көне буе шушында уйныйлар, монда рәхәт, диләр. Аларга карап, без дә сөенәбез, – ди Әлфия апа.
Вәли үз эшендә, Гали үз эшендә дигән кебек, Зиннәтуллиннар гаиләсендә эш бүленгән. Әлфия апа бакча, ишегалды өчен җавап бирсә, Фаяз абый – теплица хуҗасы. Иртә яздан теплицага кыяр, помидорлар, кавын-карбыз утыртканнар. Кыярлары апрельдә үк өлгергән инде. Үсеп утырган карбызларына караганда, тиздән анысы да өлегереп җитәргә охшаган.

Хуҗалыкларында сыер, бозау, кош-корт: каз, үрдәк, тавыклар да асрыйлар. Анысы – уллары Рүзәл һәм киленнәре өстендә.

– Кырын ятып әвен сугып булмый, диләр түгелме?! Ялкау булсаң, авылда яшәп булмый. Үзебезчә шулай тырышып яшәп ятуыбыз инде, – ди Зиннәтуллиннар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр