ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Казанда «Киа» автомобиле 15 яшьлек велосипедчыны бәрдергән
Казан шәһәре ревматология үзәгенә профессор Илдар Салихов исеме биреләчәк
Мәскәү өлкәсендә беренче Татар халыкара Люберцы уеннары башланачак
Мамадышта Мансур Шиһапов истәлегенә багышланган бәйгедә яшь иҗатчыларны бүләкләделәр
Россиялеләр ЗАГСка гаризаны никахны теркәү көненә кадәр бер ел алдан тапшыра алачак

Җәмгыять

Әлки районы башлыгына Юрий Гагарин медале тапшырылды

16 июль 2017, 05:00

Авиация генерал полковнигы Владимир Коваленок Александр Никошинны Юрий Гагарин исемендәге медаль белән бүләкләү турындагы карарга кул куйган иде.

(Әлки, 16 июль, "Татар-информ", "Әлки хәбәрләре"). Россия Космонавтика федерациясе Әлки муниципаль район башлыгы Александр Никошинны Юрий Гагарин медале белән бүләкләде, дип яза район газетасы.

Күптән түгел Россия Космонавтика федерациясе президенты, ике тапкыр Советлар Союзы Герое, СССРның очучы космонавты, авиация генерал полковнигы Владимир Коваленок Александр Никошинны Юрий Гагарин исемендәге медаль белән бүләкләү турындагы карарга кул куйган иде. Медальне тапшырганда “Аэроджет” Америка аэрокосмик компаниясенең Россиядәге вәкиле Анатолий Михеев болай диде:

– Чит илләр Россиягә карата икътисади санкция чаралары кулланган чорда да Әлки районы Сезнең җитәкчелектә уңышлы үсә. Әлки җирендә ил космонавтикасын үстерүгә өлеш керткән кайбер галимнәр туып үскән яки биредә яшәгән. Районның туган якты өйрәнү музеенда космонавтикага багышланган бүлек Сезнең ярдәм белән эшләп килә. Ул Россия космонавтикасы музейлары ассоциациясенә кертелде. Хезмәтегездә зур уңышлар, ныклы сәламәтлек телим Сезгә!

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10