ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
Яңа ел төнендә Казан кунакханәләре 88 процентка тулы булачак
Казанда дагъстанча Мәүлид узды
Эльмира Закирова: «Язучы булу рәхәт икән!» - "Шәһри Казан" газетасы
Telegramда иске татар телендә яңа канал булдырылды
Татарстан Милли Банкында - яңа идарәче

Җәмгыять

Яңа Чишмә районында ягып җылыту сезонына әзерлек башланды

20 июнь 2017, 01:00

Яңа Чишмә районында ягып җылыту сезонына әзерлек башланды Белем бирү учреждениеләре 15 августка ягу сезонына әзер булырга тиеш.

(Яңа Чишмә, 20 июнь, "Татар-информ", "Яңа Чишмә хәбәрләре"). Яңа Чишмә районының мәгариф учреждениеләрендә ягып җылыту сезонына хәзерлек буенча 2 млн. сумнан артык бәягә төшкән шактый эш планлаштырыла, дип яза район газетасы.

11 учреждениедә котельныйларны техник яктан кабат җиһазлау каралган, документлары әзер, бу эш 400 мең сумнан артык акча сорый.

Шулай ук һәр учреждениедә җылыту энергоҗайланмаларыннан имин файдалануны тәэмин итү өчен икешәр җаваплы кеше укытып, аттестация үткәрергә кирәк. Учреждениеләр саны – 40, укытуга 600 мең сумнан артык акча кирәк булачак.

Акъяр мәктәбендә җылылык трассасын, Зирекле лицеенда һәм Екатерина мәктәбендә котельный ремонтлау, Шахмай балалар бакчасы өчен ике газ миче алу һәм башка эшләр планлаштырыла.

Хәзергесе вакытта җылыту системаларын юдырту һәм опрессовка эшләре бара, тиешле документлар яңартыла. Белем бирү учреждениеләре 15 августка ягу сезонына әзер булырга тиеш.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр