ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Җәяүлеләр кичүендә машина бәрдергән 19 яшьлек кыз Казан хастаханәсендә вафат булган
"Шыгырдан сөйләшүе" форумында катнашучыларны Чуваш Республикасы башлыгы сәламләде
“Котадгу белег”не затлы китап итеп чыгарырга кирәк — Хатыйп Миңнегулов
Татарстанда Чишмә елгасы пычрану очрагы буенча җинаять эше кузгатылган
Татарстанда “Театр – балаларга” проекты эшли башлый

Мәдәният

Чаллы шәһәрен икегә бүлеп агучы Мәләкәс елгасы күпере астында күргәзмә эшли башлады

20 июнь 2017, 08:00

Чаллы шәһәрен икегә бүлеп агучы Мәләкәс елгасы күпере астында күргәзмә эшли башлады

(Чаллы, 20 июнь, "Татар-информ", "Шәһри Чаллы", Мирһади Разов). Чаллының иске бистәсендә, шәһәрне икегә бүлеп агучы Мәләкәс елгасы күпере астында гадәти булмаган күргәзмә эшли башлады. Анда автокаланың тарихы, күренекле шәхесләре һәм КАМАЗ төзүчеләре сүрәтләнгән фоторәсемнәрне урнаштырдылар. "Яр Чаллы тарихы объективта", дип аталган әлеге күргәзмә күпләрнең игътибарын үзенә җәлеп итте инде. Аны хәтта шәһәр хакиме Наил Мәһдиев та килеп карады, дип яза җирле басма.

Күргәзмәне күпер астында булдыру идеясын шәһәр башкарма комитетының мәдәният идарәсе күтәреп чыкты һәм аны оештырды да. Күргәзмә урнашкан урында музыка да уйнап торачак, хәзер аны көйләү эшләре бара.

Биредә, Мәләкәс елгасы буен матур итеп төзекләндерделәр һәм ул быел да дәвам итә. Күпер асты исә чиста иркен, якты заллардан бердә ким түгел. Фотокүргәзмә җәй буе эшләячәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр