ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Татарстан Президенты Анкарада яңа медицина комплексын карады
Казан волейболчы кызлары Европа чемпионатында җиңү яулады
Кырым күпереннән машиналар майның икенче яртысында йөри башлаячак
Чүпне аерып җыярга, эшкәртергә кирәк, калганын яндырмый хәлең юк - Әхмәт Мәзһәров
Татарстан Президенты Төркия Премьер-министры белән икътисади хезмәттәшлек турында сөйләште

Спорт

Футбол турниры вакытында Казанда ВИЧка тест узу үзәге эшли

19 июнь 2017, 16:53 , Фото: Рамиль Гали

Футбол турниры вакытында Казанда ВИЧка тест узу үзәге эшли Бер көн эчендә 100ләп кеше тест узган инде.
(Казан, 19 июнь, “Татар-информ”, Фәрит Салихов). Футбол буенча Конфедерацияләр Кубогы вакытында Казанда ВИЧка тест узу буенча махсус үзәк хезмәт күрсәтә. Бу хакта турнирга аккредитация узмаган журналистлар өчен уздырылган матбугат конференциясе вакытында Татарстанның сәламәтлек саклау министры Гадел Вафин җиткерде.
 
“Башкалада узган барлык зур чаралар вакытында да ВИЧка каршы профилактика буларак пропаганда юнәлешендәге төрле чаралар уздырыла. Дөньякүләм футбол турниры вакытында да эш бара. Әйтик, кичә Бауман урамында коммерцияле булмаган “Яңа гасыр” офисы ачылды. Биредә ВИЧка бушлай тест узу бүлеге дә урнашты”, – дип сөйләде Гадел Вафин.
 
Министр сүзләренә караганда, әлеге бүлек 28 июньгә кадәр хезмәт күрсәтәчәк. Ул “Родина” мәдәни-күңел ачу бинасында урнашу белән дә отышлы. "Үзәкнең урыны яхшы сайланган – биредә халык күп йөри”, – диде министр.
 
Монда кунаклар гына түгел, шәһәр халкы да аноним рәвештә бушлай тест уза ала. Кан тапшырып, тест узу процесы берничә минут эчендә башкарыла.
 
Сүз уңаеннан, үзәктә төрле осталык дәресләре һәм лекцияләр дә уздырыла. Бер көн эчендә 100ләп кеше тест узган инде. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10