ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
16 августның төп вакыйгалары - фото һәм сылтамалар
Татар телле радиолар арасындагы пляж волейболында икенче ел рәттән Татарстан радиосы җиңде
Коткаручылар Алабуганың Криуша елгасында баткан ир-атның гәүдәсен тапкан
"Ак Барс" хоккейчылары Ригада уза торган турнирда икенче тапкыр оттырды
Синоптиклар республиканың аерым районнарында томан төшәчәген фаразлый

Спорт

Конфедерацияләр Кубогының Казандагы беренче уенында 94 кеше табибларга мөрәҗәгать иткән

19 июнь 2017, 14:57

Конфедерацияләр Кубогының Казандагы беренче уенында 94 кеше табибларга мөрәҗәгать иткән Медицина ярдәме кирәк булганнарның берсе хастаханәгә салынган.
(Казан, 19 июнь, “Татар-информ”, Фәрит Салихов). Футбол буенча Конфедерацияләр Кубогының Казанда “Казан Арена” стадионында узган беренче матчында – Португалия һәм Мексика җыелма командалары уены вакытында  94 кешегә медицина ярдәме кирәк булган. Бу хакта турнирга аккредитация узмаган журналистлар өчен уздырылган матбугат конференциясе вакытында Татарстанның сәламәтлек саклау министры Гадел Вафин җиткерде.
 
“Табиблар ярдәме кирәк булучылар арасында тамашачылар да бар. Гомумән алганда, Казанда уен узган көндә 32 футбол тамашачысына медицина ярдәме кирәк булды. Бер кеше хастаханәгә салынды”, – дип ачыклык кертте Гадел Вафин.
 
Министр сүзләренчә, 2 июньнән башлап медицина ярдәме сорап мөрәҗәгать итүләрнең саны 248гә җиткән. 
 
“Имгәнүләр азчылыкны тәшкил итә. Башлыча кан басымы, кискен тын юлы һәм баш авыртулары белән мөрәҗәгать итәләр”, – диде Гадел Вафин.
 
Сәламәтлек саклау министры сүзләренә караганда, Конфедерацияләр кубогы вакытында Казанда медицина препаратлары белән тәэмин ителешне җайга салу өчен 10 миллион 700 мең сум акча тотылган. "Футбол турниры өчен каралган һәр объект медицина ярдәме күрсәтү өчен җиһазлар, препаратлар һәм башка кирәк-ярак белән тәэмин ителде”, – диде министр.
 
Исегезгә төшерәбез, Казанда Конфедерацияләр кубогының тагын 3 матчы:  22 июньдә –  Германия-Чили, 24 июньдә – Россия-Мексика һәм 28 июньдә беренче ярымфинал уены узасы калды.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр