ҺАВА ТОРЫШЫ -3 oC

Яңалыклар

барлык хәбәрләр Татарстан Россия
МӨҺим
Мәскәүдә Рәшит Ваһапов исемендәге халыкара татар җыры фестивале концерты узды
22 октябрьнең төп вакыйгалары - фото һәм сылтамалар
Зур теләк белән уйнадык – Зиннәтулла Билалетдинов
"Ак Барс" хоккейчылары Казанда "Металлург" командасын отты
Ислам дине нигезендә татар телен сакларга була - Рушан Аббясов

Мәдәният

"Шигъри слэм"ның беренче этабын үтүчеләр Йолдыз Миңнуллина катнашында пикникка чакырылачак

19 июнь 2017, 10:03

26 июньдә Татарстан Язучылар берлеге бакчасында бишенче татар шигъри слэмы узачак.

(Казан, 19 июнь, «Татар-информ»). Татарстан Язучылар берлеге бакчасында бишенче татар шигъри слэмы узачак. Бу хактагы хәбәр Язучылар берлегенең рәсми сайтына урнаштырылган.

Искәртеп үтәбез, слэм – шигъри көч сынашуның популяр форматы. Монда шигырьләрнең сыйфаты гына түгел, ә аларны башкару рәвеше дә зур роль уйный. Татарча “сүз көрәштерү” идеясе беренче тапкыр 2013 елда тормышка ашырыла. Икенче шигъри слэм – 2014 елның февралендә, өченче татарча слэм 2015 елның февралендә, дүртенчесе 2015 елның августында “Печән базары” кысаларында уздырылган иде.

Кагыйдә буенча, һәр шагыйрь бер минут эчендә үз әсәрләрен укый. Һәр бишенче артык секунд өчен баллары бергә кими. Балларны шигырь һәм уку осталыгы өчен тамашачылар арасыннан сайланган биш кеше бирә. Иң күп баллар җыйган ун кеше икенче турга уза. Икенче тур 6 августта «Печән базарында» узачак.

Беренче этапны үткән авторлар Йолдыз Миңнуллина катнашындагы пикникка чакырыла, дип вәгъдә итә оештыручылар “Шигъри слэм”ның социаль челтәрдәге битендә.

Әлеге яшь шагыйрьләр бәйгесе 26 июньдә үткәрелә. Башлана – 19.00 сәгатьтә. Керү ирекле. Гаризалар 20 июньгә кадәр кабул ителә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр