ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
16 августның төп вакыйгалары - фото һәм сылтамалар
Татар телле радиолар арасындагы пляж волейболында икенче ел рәттән Татарстан радиосы җиңде
Коткаручылар Алабуганың Криуша елгасында баткан ир-атның гәүдәсен тапкан
"Ак Барс" хоккейчылары Ригада уза торган турнирда икенче тапкыр оттырды
Синоптиклар республиканың аерым районнарында томан төшәчәген фаразлый

Җәмгыять

Балтачта "Әтиләр көне" үтте

18 июнь 2017, 22:00

Балтачта

(Балтач, 18 июнь, "Татар-информ", "Хезмәт", Ясминә Шәмсетдинова). Балтачта  "Сабантуй" паркында районыбызның күп балалы һәм ялгыз гына бала тәрбияләүче гаилә җанлы, үрнәк әтиләре катнашында "Әтиләр көне" уңаеннан зур бәйрәм чарасы үтте, дип яза җирле басма.

Ноябрьнең соңгы атнасында традицион рәвештә ел да "Әниләр көне" билгеләп үтелүен һәркайсыбыз белә. Ә менә "Әтиләр көне" дигән олы бәйрәм барлыгы никтер ул кадәр үк дәрәҗәдә популяр түгел. Хәтта аны күпчелек халык белми дә. Бар икән бит ул - андый көн дә. Ул - 18 июнь көне!!! Әйе, нәкъ менә шушы көнне бөтендөнья балалары әтиләрен котлыйлар яки хөрмәт белән искә алалар.

Бу истәлекле дата уңаеннан, районның "Әтиләр союзы" җитәкчесе Булат Зыятдинов районның социаль яклау бүлеге хезмәткәрләре белән берлектә районның күп балалы һәм ялгыз гына бала тәрбияләүче әтиләрен бер мәйданга җыйды. "Сабантуй" паркында оештырылган бу чарада әтиләр прокурор ярдәмчесе Гөлнара Миңнехаевнага үзләрен кызыксындырган сорауларын да бирделәр, төрле четерекле мәсьәләләргә карата җаваплар да таптылар, үзара аралаштылар да, балалары белән бергәләп төрле уен-ярышларда, викториналарда да катнаштылар. "Форпост" җәмәгать тәртибен саклау оешмасы хезмәткәрләре әтиләрне пневматик коралдан аттырып, аларның көчләрен һәм сәләтләрен дә сынап карады.

Районыбызның төрле почмакларыннан җыелган әтиләр хөрмәтенә сәгать саен үзгәреп торучан һава торышы да кояшы белән сөендерде. Ә бәйрәм азагында барысы бергә җыелышып, тәмле чәйләр эчеп, истәлеккә фотога төшеп, күтәренке күңел белән саубуллаштылар.

Әтиләргә киләчәктә дә гаиләләрнең тоткасы, балаларның ышанычлы терәге булып, кадерләп үстергән балаларының ихтирамын һәм игътабарын тоеп гомер итәргә язсын.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр