ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
20 майның төп вакыйгалары - фото һәм сылтамалар
Татарстанда беренче тапкыр татарча тифлокомментарийлы спектакль күрсәтелде
Арчада ат ярышы узды
Төркия Президенты аңа һөҗүм әзерләнү турындагы хәбәргә фикерен белдерде
Казан марафоны-2018 җиңүчеләре билгеле булды

Җәмгыять

Җәяүлеләргә юл бирмәгән өчен штраф мең сумга артачак

18 июнь 2017, 12:41

Җәяүлеләргә юл бирмәгән өчен штраф мең сумга артачак Дәүләт Думасы җәяүлеләргә юл бирмәгән йөртүчеләргә административ штраф күләмен арттыру турындагы хөкүмәт закон проектын беренче укылышта кабул итте.

(Казан, 18 июнь, "Татар-информ"). Дәүләт Думасы җәяүлеләргә юл бирмәгән машина йөртүчеләргә административ штраф күләмен арттыру турындагы хөкүмәт закон проектын беренче укылышта кабул итте. Хәзерге вакытта штраф күләме төрләнә алмый һәм 1,5 мең сумны тәшкил итә иде. Моннан соң ул 1,5 меңнән 2,5 мең сумга  кадәр булачак, - дип хәбәр итә "Российская газета". 

Россия Федерациясе Министрлар Кабинетында административ җаваплылыкны көчәйтүне гамәлдәге кагыйдәләрнең нәтиҗәле булмавы белән аңлаталар. Бу - кузгатылган җинаять эшләре һәм авария хәлләренең саны белән раслана. Россия Федерациясенең эчке эшләр министры урынбасары Игорь Зубов сөйләвенчә, 2016 елда җәяүлеләр катнашындагы юл-транспорт һаләкәтләрендә 802 кеше үлгән, 14,35 мең кеше имгәнгән.

Искәртеп үтәбез: гамәлдәге закон буенча, җәяүле юл йөрү кагыйдәләрен бозган очракта, аңа кисәтү ясала яки 500 сум күләмендә административ штраф языла.  

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10