ҺАВА ТОРЫШЫ -10 oC

Яңалыклар

барлык хәбәрләр Татарстан Россия
МӨҺим
Андрей Кузьмин: Татарстанда кабель һәм спутник карыйлар, эфир антеннасында утыручылар аз
Рөстәм Миңнеханов 2017 ел нәтиҗәләре буенча Идел буе округы медиарейтингында лидер
Сарман халкы мөрәҗәгатьләрен җитәкчеләргә җиткерү өчен махсус сәхифә булдырылган
Татарстан эшмәкәрләре 1 мартка кадәр калдыклар турында хисап тотарга тиеш
Кукмара районы Аш-Буҗи авылында “Шәфкатьлелек бизи кешене” әңгәмәсе булды

Татар матбугаты

Россиядә бала­ларның 2-6 проценты си­мерүдән интегә – "Ватаным Татарстан" газетасы

7 июнь 2017, 17:04

Россиядә бала­ларның 2-6 проценты си­мерүдән интегә – Узган ел Рос­сия­дә бер кеше 119 килограмм ипи ашаган.

(Казан, 7 июнь, "Татар-информ", "Ватаным Татарстан"). Соңгы дүрт елда Россия халкына “симерү” диаг­нозы ике тапкыр күбрәк куела башлаган. Роспот­ребнадзор идарәсеннән алын­ган мәгълүматларга караганда, бүген 100 мең кешегә 284,8 симерү очрагы туры килә, дип яза "Ватаным Татарстан" газетасы. Чагыштыру өчен: 2011 елда бу сан 123,65 очрактан да артмаган. Симерү чире, нигездә, 18 һәм аннан да өлкәнрәк яшь­тәгеләр арасында “тамыр җәй­гән”.

Шушы чирдән ин­те­гүчеләр саны буенча Ненец ав­тономияле округы (100 мең ке­шегә – 1031,96 очрак), Алтай крае (975,9 очрак), Пенза өл­кәсе (678,08 очрак) алдынгы сафка чыккан. Табиблар илдә симерүчеләр саны ар­туның төп сәбәбен дөрес тукланмауда күрә. Идарә хисабында китерелгән мәгъ­лү­матлардан аңлашылганча, бүген Россия­дә яшәүче ке­шенең көндәлек туклану рационында шикәр, ипи һәм ит чамадан тыш күп, организм өчен файдалы яшел­чә, сөт ризыклары исә, ки­ре­сен­чә, бик аз.

Саннар те­ленә күчер­сәк, узган ел Рос­сия­дә бер кеше 119 килограмм ипи ашаган. Табиблар исә ел дәва­мын­да ашалган ик­мәк күлә­мен 96 килограм­м­нан да арттырмас­ка куша. Шикәр белән дә шул ук хәл. Узган ел бер россияле ел дә­вамында 38,5 килограмм ши­кәр (нормасы – 24 килограмм) ашаган. Шулай ук бер ел эчендә илдә 73,8 килограмм ит (нормасы – 73 килограмм), 112 килограмм бә­рәң­ге (нормасы – 90 килограмм), 111,8 килограмм яшел­чә (нормасы – 140 килограмм) һәм 233,3 килограмм сөт һәм сөт продуктлары (нормасы – 325 килограмм) ашалган.

Россия Сәламәтлек сак­лау министрлыгының баш диетологы Виктор Тутельян фикеренчә, симерүчеләр саны артуның иң төп сәбәбе – Россиядә яшәүчеләрнең кү­бесендә туклану культура­сы­ның түбән булуы. “Бездә балага ризык ошамаса ниш­лиләр? Иң беренче эш итеп, аңа шикәр өстиләр. Болай эшләргә ярамый. Шул ук конфетларны да атнага бер-икене генә түгел, әллә ничәне ашап юанабыз. Балаларыбызны да чикләми­без. Шуңа күрә симерү чире сабыйлар арасында да үсеш ала”, – ди ул. Белгеч сүзләренә караганда, бүген Россиядә бала­ларның 2-6 проценты си­мерүдән интегә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр