ҺАВА ТОРЫШЫ +6 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов: “Машина төзү тармагында без дөрес юнәлештә эшлибез”
Президент киңәше буенча Oskar c7c5 төркеме исемен алыштыра
Оешмалар, вузлар, министрлыклар, Фәннәр академиясенең үзара эшчәнлеге кирәк – Президент
Рөстәм Миңнеханов республикада йөк ташу оешкан төстә координацияләнергә тиешлеген әйтте
Арча районының Кечкенә Өчиле авылы булган урында Г.Ахунов истәлегенә “Ахун чишмәсе” ачыла

Спорт

Идел буе һәвәскәрләр хоккей лигасы җиңүчеләрне ачыклый

19 май 2017, 17:19

Идел буе һәвәскәрләр хоккей лигасы җиңүчеләрне ачыклый Бу көннәрдә лиганың С дивизионы финал уеннары белән сезонга нокта куйды.
(Казан, 19 май, "Татар-информ"). Профессиональ хоккей командалары КХЛда, йә булмаса Югары хоккей лигасында алка куганда, Татарстанда үзешчән хоккейчыларга да үзләрен күрсәтү мөмкинлеге бар: республикада Идел буе һәвәскәрләр хоккей лигасы үз турнирын уздыра. 
 
Әлеге турнир башкалада инде җиденче ел рәттән оештырыла. Лигадагы командалар барлыгы 4 дивизионга бүленеп уйный. Осталыкларына карап командалар өчен: A, B, C, D дивизионнары каралган. Бу көннәрдә лиганың С дивизионы финал уеннары белән сезонга нокта куйды.
 
Биектау районында үткән әлеге дивизионның өч җиңүгә кадәр дәвам иткән финал ярышларында “Интер” командасы "ТНА" хоккейчыларыннан өстен чыкты. Сериядә исәп – 3:0 (5:0, 4:0, 4:1). Дивизионда өченче урынны "Зарница" егетләре яулады. Җиңүче команда – "Интер"ның составын Балтач егетләре тәшкил итә. Лигадагы чыгышларын D дивизионында башлаган команда, анда беренче сезонда ук җиңүче була һәм югарырак – С дивизионына күтәрелә. Оештыручылары – Илшат Шакиров команда алдында алдагы сезонда тагын да югарырак максатлар куя.
 
Шулай итеп, С һәм D дивизионнарында уеннар быелга тәмам, В дивизионында уеннар дәвам итә.
 
Сүз уңаеннан, лиганың А дивизионында “Теләче” командасы җиңүче булган иде.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр